ലോക കളിപ്പാട്ട വ്യവസായത്തിലെ ഭീമനായ അമേരിക്കന്‍ കമ്പനി മാറ്റേല്‍ പുറത്തിറക്കിയ പാവകളുമായി ബന്ധപ്പെട്ട് വന്‍വിവാദം കമ്പനിയുടെ പാവക്കുട്ടികളുടെ
പാക്കറ്റില്‍ പോണ്‍സൈറ്റിന്റെ ലിങ്ക് ചേര്‍ത്തിരിക്കുന്നത് ശ്രദ്ധയില്‍പെട്ടതോടെ് നിരവധി പേര്‍ വിമര്‍ശനവുമായി എത്തുകയായിരുന്നു്. ഫാന്റസി ചിത്രമായ വിക്കഡ് (Wicked)ന്റെ വെബ്സൈറ്റിലേക്ക് എത്തിക്കുന്ന ലിങ്ക് നല്‍കുന്നതിന് പകരം പാക്കറ്റില്‍ പോണ്‍സൈറ്റിന്റെ ലിങ്കാണ് നല്‍കിയിരുന്നത്.
പിന്നാലെ തങ്ങള്‍ക്ക് പിഴവ് പറ്റിയെന്ന് പറഞ്ഞ് കമ്പനി തന്നെ രംഗത്തെത്തി. അതേസമയം പോണ്‍സൈറ്റിന്റെ ലിങ്ക് ആലേഖനം ചെയ്ത ആയിരക്കണക്കിന് ഡോള്‍ പാക്കറ്റുകളെ കമ്പനിയിലേക്ക് തിരിച്ചെത്തിക്കാനുള്ള നടപടികള്‍ ആരംഭിച്ചുവെന്നും കമ്പനി അധികൃതര്‍ പറഞ്ഞു.
ആരാധകര്‍ കാത്തിരിക്കുന്ന Wicked- എന്ന ഹോളിവുഡ് ഫാന്റസി ചിത്രത്തിന്റെ ലിങ്കിന് പകരം പോണ്‍സൈറ്റിന്റെ ലിങ്ക് പാക്കറ്റില്‍ ഉള്‍പ്പെടുത്തിയതില്‍ കമ്പനിയ്ക്കെതിരെ വിമര്‍ശനവുമായി നിരവധി കുഞ്ഞുങ്ങളുടെ മാതാപിതാക്കളും രംഗത്തെത്തി.
” അമേരിക്കന്‍ വിപണിയിലെത്തിയ മാറ്റേലിന്റെ വിക്ക്ഡ് കളക്ഷന്‍ പാവകളുടെ പാക്കറ്റില്‍ ലിങ്ക് ഉള്‍പ്പെടുത്തിയതില്‍ പിശക് പറ്റിയ കാര്യം മനസിലാക്കുന്നു. Wicked- എന്ന ചിത്രത്തിന്റെ വെബ്സൈറ്റിലേക്കുള്ള ലിങ്കാണ് നല്‍കേണ്ടിയിരുന്നത്,” കമ്പനി പുറത്തിറക്കിയ കുറിപ്പില്‍ പറയുന്നു.പാവകള്‍ ഇതിനോടകം വാങ്ങിയവര്‍ ഈ ലിങ്കിന്റെ ചിത്രമടങ്ങിയ ബോക്സ് നശിപ്പിക്കണമെന്നും അല്ലെങ്കില്‍ അവയെ മായ്ച്ചുകളയണമെന്നും കമ്പനി ആവശ്യപ്പെട്ടിട്ടുണ്ട്. .
