വിശ്വസ്തത എന്ന വാക്കിന് ഒരുപാട് പര്യായങ്ങൾ ഉണ്ട്. എന്നാൽ ക്രിക്കറ്റിൽ ഇന്ന് വിശ്വസ്തതക്ക് പുതിയ ഒരു പര്യായപദം വന്നിരിക്കുകയാണ്. കൊൽക്കത്ത നൈറ്റ് റൈഡേഴ്സിന് വേണ്ടി ഇന്ത്യൻ പ്രീമിയർ ലീഗിൽ കളിച്ചിരുന്ന താരം പുതിയ സീസൺ ആരംഭിക്കുന്നതിന് മുമ്പ് എന്തായാലും ലീഗിൽ നിന്ന് വിരമിക്കൽ പ്രഖ്യാപിച്ചിരിക്കുകയാണ്. മിനി ലേലത്തിന് മുമ്പ് താരത്തെ ടീം സ്‌ക്വാഡിൽ നിന്ന് ഒഴിവാക്കിയിരുന്നു.
വർഷങ്ങളായി കൊൽക്കത്ത നൈറ്റ് റൈഡേഴ്സിന്റെ നട്ടെല്ലായി അവരെ ലീഗ് കിരീടത്തിലേക്ക് ഉൾപ്പടെ നയിച്ച റസൽ ലീഗിന്റെ ചരിത്രത്തിലെ തന്നെ ഏറ്റവും മികച്ച താരങ്ങളിലൊരാളാണ്. മെഗാ ലേലത്തിന് മുമ്പ് വമ്പൻ തുകക്ക് ആയിരുന്നു റസലിനെ കൊൽക്കത്ത നിലനിർത്തിയത്. എന്തായാലും അദ്ദേഹത്തിന്റെ പ്രായവും മുടക്കിയ തുകയും പരിഗണിച്ചാണ് താരത്തെ ടീം അയാളെ നിലനിർത്താതിരുന്നത്.
എന്തായാലും വരാനിരിക്കുന്ന ലേലത്തിൽ റസലിനെ ഒപ്പം കൂട്ടം എന്ന് പ്രതീക്ഷിച്ചവരെ നിരാശപ്പെടുത്തിക്കൊണ്ടാണ് താരം വിരമിക്കൽ പ്രഖ്യാപിച്ചത്. കൊൽക്കത്ത അല്ലാതെ മറ്റൊരു ടീമിലും തനിക്ക് കളിക്കാൻ താത്പര്യം ഇല്ലെന്ന് പറഞ്ഞുകൊണ്ടാണ് റസൽ തന്റെ തീരുമാനം അറിയിച്ചത്. ഇതിന് പിന്നാലെ കൊൽക്കത്ത നൈറ്റ് റൈഡേഴ്‌സ് അടുത്ത സീസണിന് മുമ്പ് ടീമിന്റെ പവർ കോച്ച് ആയി നിയമിച്ചിരിക്കുകയാണ്.
28.20 എന്ന മികച്ച ബാറ്റിംഗ് ശരാശരിയിലും 174.18 എന്ന കരിയറിലെ ഏറ്റവും മികച്ച സ്ട്രൈക്ക് റേറ്റിലും അദ്ദേഹം ലീഗിൽ ആകെ 2,651 റൺസ് നേടി, കുറഞ്ഞത് 500 പന്തുകൾ നേരിട്ട ഒരു കളിക്കാരന്റെ ഐപിഎൽ ചരിത്രത്തിലെ ഏറ്റവും ഉയർന്ന സ്ട്രൈക്ക് റേറ്റാണിത്. കെകെആറിന്റെ 2014, 2024 കിരീട വിജയങ്ങളിൽ പ്രധാന പങ്കുവഹിച്ച റസ്സലിന്റെ ഏറ്റവും ഉയർന്ന ബാറ്റിംഗ് പ്രകടനം 2019 ൽ 204.81 എന്ന അതിശയിപ്പിക്കുന്ന സ്ട്രൈക്ക് റേറ്റിൽ 510 റൺസ് പ്രകടനം ആയിരുന്നു.
