ന്യൂ ചണ്ഡീഗഡിൽ നടക്കുന്ന ഇന്ത്യ-അഫ്ഗാനിസ്ഥാൻ ടെസ്റ്റ് മത്സരത്തിൽ തകർപ്പൻ സെഞ്ചുറിയുമായി ഇന്ത്യൻ താരം കെ.എൽ. രാഹുൽ. നീണ്ട ഫോർമാറ്റിലെ തന്റെ മികച്ച ഫോം തുടരുന്ന രാഹുൽ, മറ്റൊരു മാസ്മരിക ഇന്നിംഗ്സിലൂടെയാണ് തന്റെ കരിയറിലെ 22-ാം അന്താരാഷ്ട്ര സെഞ്ചുറി സ്വന്തമാക്കിയത്.
ഈ സെഞ്ചുറിയോടെ ടെസ്റ്റ് ക്രിക്കറ്റിലെ കെ.എൽ. രാഹുലിന്റെ ശതകങ്ങളുടെ എണ്ണം 12 ആയി ഉയർന്നു. അന്താരാഷ്ട്ര ക്രിക്കറ്റിലെ മൊത്തം സെഞ്ചുറികളുടെ എണ്ണം 22 ആയി. ഇതിൽ 12 ടെസ്റ്റ് സെഞ്ചുറികൾക്ക് പുറമെ, 8 ഏകദിന സെഞ്ചുറികളും 2 ടി20 സെഞ്ചുറികളും ഉൾപ്പെടുന്നു. ഇന്ത്യൻ ക്രിക്കറ്റിലെ ഏറ്റവും വിശ്വസ്തനായ താരമെന്ന ഖ്യാതി ഒരിക്കൽ കൂടി രാഹുൽ ഈ ഇന്നിംഗ്സിലൂടെ ഉറപ്പിച്ചു.
165 പന്തുകൾ നേരിട്ടാണ് രാഹുൽ ഈ തകർപ്പൻ സെഞ്ചുറി പൂർത്തിയാക്കിയത്. 61 എന്ന സ്‌ട്രൈക്ക് റേറ്റിൽ ബാറ്റ് വീശിയ രാഹുൽ, ഇന്ത്യൻ ഇന്നിംഗ്സിനെ സുരക്ഷിതമായ നിലയിലേക്ക് നയിക്കുന്നതിൽ നിർണ്ണായക പങ്കുവഹിച്ചു. സെഞ്ച്വറി നേടിയതിന് തൊട്ടുപിന്നാലെ മടങ്ങി എങ്കിലും ഇന്ത്യ മികച്ച സ്കോറിലേക്ക് എത്തി എന്നത് ഉറപ്പാക്കി താരം. അഫ്ഗാൻ ബൗളർമാർക്കെതിരെ വളരെ കരുതലോടെ തുടങ്ങിയ രാഹുൽ, പിന്നീട് ഗ്രൗണ്ടിന്റെ എല്ലാ ഭാഗത്തേക്കും ഷോട്ടുകൾ പായിച്ചാണ് സെഞ്ചുറിയിലേക്ക് എത്തിയത്. ഇന്ത്യൻ ക്രിക്കറ്റിന്റെ ഭാവി മുന്നിൽക്കണ്ടുള്ള ഈ ഇന്നിംഗ്സ്, ആരാധകർക്കിടയിൽ വലിയ ആവേശമാണ് സൃഷ്ടിച്ചിരിക്കുന്നത്.
നിലവിൽ 273 -3 എന്ന നിലയിൽ നിൽക്കുന്ന ഇൻഡ്യക്കയിൽ നായകൻ ഗിൽ 59 റൺസ് നേടിയും പന്ത് 2 റൺ നേടിയും ക്രീസിൽ തുടരുന്നു.
