കൊൽക്കത്ത: ബംഗാളിൽ കള്ളവോട്ട് തടയാൻ കർശന ഇടപെടൽ ആവശ്യപ്പെട്ട് ബിജെപി കേന്ദ്ര തെരഞ്ഞെടുപ്പ് കമ്മീഷന് കത്ത് നൽകി. തെരഞ്ഞെടുപ്പിന് 15 ദിവസം മുൻപ് സംസ്ഥാനത്ത് കേന്ദ്ര സേനയെ വിന്യസിക്കണം. പ്രശ്ന ബാധിത പോളിംഗ് സ്റ്റേഷനുകളിൽ തത്സമയ വെബ് കാസ്റ്റിംഗ് ഏർപ്പെടുത്തണമെന്നും അതിന്റെ ഫൂട്ടേജ് ആവശ്യപ്പെടുന്ന എല്ലാ രാഷ്ട്രീയ പാർട്ടികൾക്കും ലഭ്യമാക്കണമെന്നും ബിജെപി ആവശ്യപ്പെട്ടു.
പശ്ചിമ ബംഗാളിൽ തെരഞ്ഞെടുപ്പിന് മുന്നോടിയായി ക്രമസമാധാന നില തകർന്നെന്നും പൊലീസ് തൃണമൂൽ കോൺഗ്രസിന്റെ ഭൃത്യ സംഘമായി അധപതിച്ചെന്നും കത്തിൽ ചൂണ്ടിക്കാട്ടുന്നു. സിവിൽ സർവീസിനെ പോലും മമത സർക്കാർ സ്വന്തം താത്പര്യ പ്രകാരം വിഭജിച്ചെന്നും കത്തിൽ പറയുന്നു.
മതത്തിന്റെ പേരിൽ വോട്ടർമാർക്ക് പരിശോധനയിൽ ഇളവ് നൽകരുത്, നുഴഞ്ഞുകയറ്റക്കാർക്ക് വോട്ടവകാശം നൽകരുത് തുടങ്ങിയ നിർദ്ദേശങ്ങളും ബിജെപി തെരഞ്ഞെടുപ്പ് കമ്മീഷന് മുന്നിൽ വെച്ചിട്ടുണ്ട്.
Discussion about this post