കൊച്ചി: കേരളത്തിൽ ലൗ ജിഹാദ് നിലനിൽക്കുന്നുവെന്ന ആരോപണത്തിൽ ഉറച്ച് സിറോ മലബാർ സഭ. ഇതുമായി ബന്ധപ്പെട്ട് സഭയ്ക്ക് കീഴിലുള്ള പള്ളികളിൽ ഇടയലേഖനം വായിച്ചു. സംസ്ഥാനത്ത് വർദ്ധിച്ചു വരുന്ന ലൗ ജിഹാദ് മതസൗഹാർദ്ദത്തെ തകർക്കുകയാണെന്നും ഭീകരസംഘടനയായ ഐ എസിലേക്ക് കൃസ്ത്യൻ പെൺകുട്ടികൾ റിക്രൂട്ട് ചെയ്യപ്പെടുന്നതായും ഇടയലേഖനത്തിൽ വ്യക്തമാക്കുന്നു.
ലൗ ജിഹാദ് യാഥാർത്ഥ്യമാണെന്നും അതിനെതിരെ അധികാരികൾ നടപടി സ്വീകരിക്കണമെന്നും ലേഖനത്തിൽ ആവശ്യപ്പെടുന്നു. രക്ഷിതാക്കളെയും കുട്ടികളെയും സഭ ബോധവത്കരിക്കുമെന്നും ലേഖനത്തിൽ പറയുന്നു.
കേരളത്തിൽ ലൗ ജിഹാദ് നിലനിൽക്കുന്നുണ്ടെന്നും അത് ആശങ്കാജനകമായ തോതിൽ വളർന്നു വരുന്നതായും സിറോ മലബാർ സഭ സിനഡിൽ വിലയിരുത്തിയിരുന്നു. ഇതിൽ നടപടി വേണമെന്നും സിനഡിൽ ആവശ്യം ഉയർന്നിരുന്നു.
അതേസമയം വിഷയത്തിൽ നടപടി സ്വീകരിക്കുമെന്ന് ദേശീയ ന്യൂനപക്ഷ കമ്മീഷൻ ഉപാദ്ധ്യക്ഷൻ ജോർജ്ജ് കുര്യൻ വ്യക്തമാക്കിയിരുന്നു. വിഷയവുമായി ബന്ധപ്പെട്ട് അദ്ദേഹം സംസ്ഥാന പൊലീസ് മേധാവിയോട് റിപ്പോർട്ട് തേടിയിരുന്നു.
