ആലപ്പുഴ: മാവേലിക്കര വെട്ടിയാറില് നടന്ന ഡി വൈ എഫ് ഐ – എസ് ഡി പി ഐ സംഘർഷത്തിൽ ഒരു ഡി വൈ എഫ് ഐ പ്രവര്ത്തകന് വെട്ടേറ്റു. സംഭവവുമായി ബന്ധപ്പെട്ട് അഞ്ച് എസ് ഡി പി ഐ പ്രവർത്തകർ പോലീസ് പിടിയിൽ.
നേരത്തെ ഡി വൈ എഫ് ഐ – എസ് ഡി പി ഐ സംഘര്ഷം നിലനിന്നിരുന്ന പ്രദേശമാണ് വെട്ടിയാര്. കഴിഞ്ഞ ദിവസം രാത്രി ഇരുവിഭാഗം പ്രവര്ത്തകര് തമ്മില് വാക്കേറ്റമുണ്ടായതിനു പിന്നാലെയാണ് ഡി വൈ എഫ് ഐ പ്രവര്ത്തകര്ക്ക് നേരേ ആക്രമണമുണ്ടായത്.
ഡി വൈ എഫ് ഐ പ്രവര്ത്തകനായ അരുണിനാണ് വെട്ടേറ്റത്. മറ്റ് രണ്ട് പ്രവര്ത്തകര്ക്കും ആക്രമണത്തില് പരിക്കേറ്റിട്ടുണ്ട്. ഡി വൈ എഫ് ഐ പ്രവര്ത്തകരുടെ വീടുകള്ക്ക് നേരെയും വ്യാപക ആക്രമണമുണ്ടായി. ഒരു ബൈക്കും അക്രമികള് അഗ്നിക്കിരയാക്കി. സംഘര്ഷാവസ്ഥ കണക്കിലെടുത്ത് പ്രദേശത്ത് കനത്ത പോലീസ് കാവല് ഏര്പ്പെടുത്തിയിട്ടുണ്ട്.












