കൊല്ലം : കൊല്ലം ജില്ലയിൽ ചവറയിൽ പ്രവർത്തിക്കുന്ന ഇന്ത്യൻ ഇൻസ്റ്റിറ്റ്യൂട്ട് ഓഫ് ഇൻഫ്രാ സ്ട്രക്ചർ ആൻഡ് കൺസ്ട്രക്ഷനിൽ സ്ത്രീ ശാക്തീകരണ പദ്ധതിയിൽ പുതിയ പരിശീലന പരിപാടികൾ പ്രഖ്യാപിച്ചു. അഡ്വാൻസ്ഡ് ഡിപ്ലോമ ഇൻ ജോഗ്രഫിക് ഇൻഫർമേഷൻ സിസ്റ്റം(AD G I S), അഡ്വാൻസ്ഡ് ഡിപ്ലോമ ഇൻ ബിൽഡിങ് ഇൻഫർമേഷൻ മോഡലിംഗ് (AD BIM), ഹൗസ് കീപ്പിങ് ട്രെയിനീ ലെവൽ 3 എന്നിങ്ങനെയുള്ള പരിശീലനങ്ങളാണ് സ്ത്രീ ശാക്തീകരണ പരിശീലന പരിപാടിയിൽ ഉൾപ്പെടുത്തിയിട്ടുള്ളത്.
പരിശീലന ചെലവിന്റെ തൊണ്ണൂറു ശതമാനവും സർക്കാർ വഹിക്കും. ആറു മാസത്തെ താമസവും ഭക്ഷണവും ഉൾപ്പടെ 11,760 രൂപ മാത്രമാണ് അഡ്വാൻസ്ഡ് ഡിപ്ലോമ ഇൻ ജോഗ്രഫിക് ഇൻഫർമേഷൻ സിസ്റ്റം(AD G I S), അഡ്വാൻസ്ഡ് ഡിപ്ലോമ ഇൻ ബിൽഡിങ് ഇൻഫർമേഷൻ മോഡലിംഗ് പരിശീലനത്തിൽ തെരഞ്ഞെടുക്കപ്പെടുന്ന വിദ്യാർഥിനികൾക്ക് സ്ഥാപനത്തിൽ അടക്കേണ്ടതായി വരുന്നത്.
താമസവും ഭക്ഷണവും ആവശ്യമില്ലെങ്കിൽ 7050 രൂപയാണ് ഒരു വിദ്യാർത്ഥിനിക്ക് സ്ഥാപനത്തിൽ അടക്കേണ്ടതായി വരിക. ബിടെക് സിവിൽ എൻജിനീയറിങ് /ബി ആർക്ക് ബിരുദദാരികൾ ,ഡിപ്ലോമ സിവിൽ എൻജിനീയറിങ് പാസായവർ ,സയൻസ് ബിരുദ ദാരികൾ, ബി എ ജോഗ്രഫി വിജയകരമായി പൂർത്തീകരിച്ചവർ എന്നിവർക്ക് അഡ്വാൻസ്ഡ് ഡിപ്ലോമ ഇൻ ജോഗ്രഫിക് ഇൻഫർമേഷൻ സിസ്റ്റം പരിശീലന പരിപാടിയിലേക്ക് അപേക്ഷിക്കാവുന്നതാണ്.
ബിടെക് സിവിൽ, ബി ആർക്ക് ബിരുദരികൾക്കാണ് അഡ്വാൻസ്ഡ് ഡിപ്ലോമ ഇൻ ബിൽഡിങ് ഇൻഫർമേഷൻ മോഡലിംഗ് പരിശീലനത്തിൽ അപേഷിക്കുവാൻ സാധിക്കുന്നത്. പത്താം ക്ലാസ് യോഗ്യതയുള്ളവർക്ക് അപേഷിക്കുവാൻ സാധിക്കുന്ന പരിശീലന പരിപാടിയായ ഹൗസ് കീപ്പിംഗ് പരിശീലനത്തിൽ തെരെഞ്ഞെടുക്കപ്പെടുന്നവർ 3690 രൂപ മാത്രം അടച്ചാൽ മതിയാകും. താമസവും ഭക്ഷണവും ആവശ്യമില്ലെങ്കിൽ ഇത് 2028 രൂപയായി കുറയും. 57 ദിവസത്തെ ഈ പരിശീലനം പൂർത്തീകരിക്കുന്നവർക്ക് ദേശീയ നൈപുണ്യ യോഗ്യതാ ചട്ടക്കൂട് പ്രകാരമുള്ള ലെവൽ 3 സർട്ടിഫിക്കറ്റ് ലഭിക്കും.
ഐ ഐ ഐ സി യിലെ സ്ത്രീ ശാക്തീകരണ പദ്ധതിയുടെ ആദ്യ ബാച്ചിൽ പ്രവേശനം നേടിയ മുഴുവൻ വിദ്യാർത്ഥിനികൾക്കും അതാതു മേഖലകളിൽ ജോലി ലഭിച്ചു എന്ന കാര്യം അഭിമാനാർഹമാണ്. സ്ത്രീ ശാക്തീകരണ പരിശീലന പരിപാടിയിൽ താഴെപറയുന്ന വിഭാഗങ്ങളിൽ പെടുന്നവർക്ക് അപേക്ഷിക്കാം. മതിയായ രേഖകൾ ഹാജരാക്കണം.
a.കുടുംബത്തിന്റെ മൊത്ത വാർഷിക വരുമാനം അഞ്ചുലക്ഷത്തിൽ താഴെയുള്ളവർ
b. സാമ്പത്തികമായി പിന്നോക്കം നിൽക്കുന്നവർ (ews )/പട്ടിക ജാതി / പട്ടിക വർഗ / ഒ ബി സി വിഭാഗത്തിൽ പെടുന്നവർ
c.കോവിഡ് മഹാമാരി നിമിത്തം ജോലി നഷ്ടപ്പെട്ട വിഭാഗത്തിലുള്ളവർ
d.ഒരു രക്ഷിതാവ് മാത്രമുള്ള അപേക്ഷക
e.ഭിന്നശേഷിയുള്ള കുട്ടിയുടെ അമ്മ
f.വിധവ/വിവാഹ മോചനം നേടിയവർ
g.ഒരു പെൺകുട്ടി മാത്രമുള്ള അമ്മമാർ
അപേഷിക്കുവാൻ ആഗ്രഹിക്കുന്നവർ ഓൺലൈൻ ആയി അപേക്ഷ സമർപ്പിച്ചതിനുശേഷം മതിയായ രേഖകളുമായി സ്ഥാപനത്തിൽ നേരിട്ട് ഹാജരാകേണ്ടതാണ്.അപേഷിക്കുവാനുള്ള അവസാന തീയതി മാർച്ച് 25 ആണ് . ക്ലാസുകൾ മാർച്ച് 27 നു ആരംഭിക്കും.
വിവരങ്ങൾക്ക് 8078980000
വെബ്സൈറ്റ് – www.iiic.ac.in












