ബംഗളൂരു: ബംഗളൂരുവിൽ കെഎസ്ആർടിസി ബസിന് നേരെ ആക്രമണം. കെഎസ്ആർടിസി സ്വിഫ്റ്റ് ഗജരാജ ബസിന് നേരെയായിരുന്നു ആക്രമണം ഉണ്ടായത്. യാത്രികർ സുരക്ഷിതരാണ്.
രാത്രിയോടെയായിരുന്നു സംഭവം. ബംഗളൂരുവിൽ നിന്നും തിരുവനന്തപുരത്തേക്കുള്ള ബസാണ് ആക്രമിച്ചത്. ബൈക്കിന് സൈഡ് നൽകിയില്ലെന്ന് ആരോപിച്ചായിരുന്നു ആക്രമണം. ബൈക്കിൽ പിന്തുടർന്ന് എത്തിയ സംഘം ബസിന്റെ ചില്ല് അടിച്ച് തകർക്കുകയായിരുന്നു.
ഹെഡ്‌ലൈറ്റ്, വൈപ്പർ, എന്നിവയും മുൻപിലെ ഗ്ലാസും പൂർണമായി തകർന്നു. 39 യാത്രക്കാരായിരുന്നു ബസിൽ ഉണ്ടായിരുന്നത്. സംഭവത്തിൽ പരപ്പന അഗ്രഹാര പോലീസ് സ്‌റ്റേഷനിൽ ബസ് ജീവനക്കാർ പരാതി നൽകി. യാത്രികർ മറ്റൊരു ബസിൽ കേരളത്തിലേക്ക് യാത്ര തിരിച്ചിട്ടുണ്ട്.
