വേദകാലം മുതൽക്കേ നാം പിന്തുടർന്ന് പോരുന്ന ഒന്നാണ വാസ്തു ശാസ്ത്രം. വാസ്തുവിലും പുരാണ ഗ്രന്ഥങ്ങളിലും സൂര്യാസ്തമയത്തിന് ശേഷം ചില കാര്യങ്ങൾ ചെയ്യുന്നത് നിഷിധമാണെന്ന് പറയുന്നു.
പുരാണങ്ങൾ പറയുന്നതനുസരിച്ച് സൂര്യാസ്തമയത്തിന് ശേഷം ഈ ജോലികൾ ചെയ്യുന്നത് നമുക്ക് ദോഷകരമായി ഭവിക്കുകയും സാമ്പത്തിക ആരോഗ്യ പ്രശ്‌നങ്ങൾ നമ്മുടെ ജീവിതത്തിൽ ഉണ്ടാകുകയും ചെയ്യും. സൂര്യാസ്തമയത്തിന് ശേഷം ചെയ്യാൻ പാടില്ലാത്ത കാര്യങ്ങൾ എന്തെല്ലാമാണ് എന്ന് നോക്കാം
പുരാണം അനുസരിച്ച്, സൂര്യാസ്തമയത്തിനു ശേഷം നഖം വെട്ടുകയോ, മുടി വെട്ടുകയോ, മുടി വെട്ടിയ്ക്കുകയോ ചെയ്യാൻ പാടില്ല. ലക്ഷ്മി ദേവിയെ പ്രകോപിപ്പിക്കും. അങ്ങനെ വന്നാൽ വീട്ടിലെ പണത്തിന്റെ വരവിനെ ഇത് ദോഷകരമായി ബാധിക്കും. അതുപോലെ മുടി അഴിച്ചിട്ട് സ്ത്രീകൾ ഉറങ്ങാൻ പാടില്ല.
സൂര്യോദയത്തിനു ശേഷവും സൂര്യാസ്തമയത്തിനു ശേഷവും. സൂര്യാസ്തമയത്തിനു ശേഷം കുളിച്ചാൽ പിന്നെ നെറ്റിയിൽ ചന്ദനം പുരട്ടരുതെന്നാണ് പുരാണങ്ങളിൽ പറയുന്നത്. കൂടാതെ, സൂര്യാസ്തമയത്തിനു ശേഷം കുളിക്കുന്നത് ജീവിതത്തിൽ ദൗർഭാഗ്യം കൊണ്ടുവരും.
ദാനകർമ്മം മംഗളകരമായി കണക്കാക്കപ്പെടുന്നു. എന്നാൽ രാത്രിയിൽ പാൽ, പഞ്ചസാര, ഉപ്പ് തുടങ്ങിയ വസ്തുക്കൾ ദാനം ചെയ്യുന്നത് മോശം ശകുനമായി കണക്കാക്കപ്പെടുന്നു. ഇങ്ങനെ ചെയ്യുന്നത് വഴി ദാനം ചെയ്യുന്നയാൾക്ക് സാമ്പത്തിക ബുദ്ധിമുട്ടുകളും ജീവിതത്തിൽ അസ്ഥിരതയും അനുഭവിക്കേണ്ടി വന്നേക്കാം
രാത്രിയിൽ വീട് ചൂലെടുത്ത് വൃത്തിയാക്കുന്നത് നിർഭാഗ്യങ്ങളും അപകടങ്ങളും വരുത്തുമെന്ന് വിശ്വസിക്കപ്പെടുന്നു. സൂര്യാസ്തമയത്തിന് ശേഷം കഴുകാത്ത പാത്രങ്ങൾ അടുക്കളയിലെ സിങ്കിൽ സൂക്ഷിക്കരുത്. മറ്റെവിടെയെങ്കിലും ആ പാത്രങ്ങൾ മാറ്റിയിടുന്നതാണ് ഉചിതം.
ഗരുഡപുരാണം അനുസരിച്ച്, സൂര്യാസ്തമയത്തിനു ശേഷം അന്ത്യകർമങ്ങൾ നടത്തുന്നത് നിഷിദ്ധമാണ്. സൂര്യാസ്തമയത്തിനു ശേഷം ഒരാളുടെ അന്ത്യകർമങ്ങൾ നടത്തിയാൽ, ആ ആത്മാവിന് പരലോകത്ത് കഷ്ടപ്പെടേണ്ടിവരും.
പുരാണമനുസരിച്ച് മരങ്ങൾക്കും ചെടികൾക്കും വെള്ളം നനയ്ക്കുന്നതും മരങ്ങളിലും ചെടികളിലും തൊടുന്നതും അവയുടെ ഇല പറിയ്ക്കുന്നതും സൂര്യാസ്തമയത്തിനു ശേഷം നിഷിദ്ധമാണ്
