കൊല്ലം : കൊല്ലത്ത് മകൻ അച്ഛനെ ചുറ്റികകൊണ്ട് തലയ്ക്കടിച്ച് കൊലപ്പെടുത്തി. മങ്ങാട് തവിട്ടുമുക്ക് ഇന്ദ്രശിലയിൽ രവീന്ദ്രനാണ് (65) കൊല്ലപ്പെട്ടത്. രവീന്ദ്രന്റെ സ്വന്തം സ്ഥാപനത്തിനുള്ളിൽ വച്ചാണ് മകൻ അദ്ദേഹത്തെ. കൊലപ്പെടുത്തിയത്. സംഭവവുമായി ബന്ധപ്പെട്ട് രവീന്ദ്രന്റെ മകൻ അഖിലിനെ പൊലീസ് കസ്റ്റഡിയിലെടുത്തു.
കൊല്ലം മൂന്നാംകുറ്റിയിലെ സിറ്റിമാക്സ് എന്ന സ്ഥാപനത്തിന്റെ ഉടമയാണ് രവീന്ദ്രൻ. കുടുംബപ്രശ്നമാണ് കൊലപാതകത്തിലേക്ക് നയിച്ചതെന്നാണ് പ്രാഥമിക നിഗമനം. സംഭവവുമായി ബന്ധപ്പെട്ട് ഈ സ്ഥാപനത്തിലെ ജീവനക്കാരിയെയും പോലീസ് കസ്റ്റഡിയിൽ എടുത്തിട്ടുണ്ട്.
വെള്ളിയാഴ്ച ഉച്ചയ്ക്ക് രണ്ടുമണിയോടെ ആയിരുന്നു സംഭവം നടന്നത്. ഇരുവരും കടയിൽ ഉണ്ടായിരുന്ന സമയത്ത് ഇവർ തമ്മിൽ തർക്കം നടക്കുകയും തുടർന്ന് കൊലപാതകത്തിൽ കലാശിക്കുകയുമായിരുന്നു എന്നാണ് പോലീസ് വ്യക്തമാക്കുന്നത്.
