കൊച്ചി: നടി മീര വാസുദേവൻ വിവാഹിതയായി. സീരിയൽ ക്യാമറാമാൻ വിപിൻ പുതിയങ്കം ആണ് മീരയുടെ ഭർത്താവ്. പ്രശസ്ത മെഗാ സീരിയൽ ആയ കുടുംബവിളക്കിൽ അഞ്ചു വർഷമായി ഒന്നിച്ചു പ്രവർത്തിച്ചവരാണ് മീരയും വിപിനും. കോയമ്പത്തൂരിൽ വച്ചായിരുന്നു വിവാഹം. വിവാഹിതയായ കാര്യം നടി മീര വാസുദേവൻ തന്നെയാണ് വെളിപ്പെടുത്തിയത്.
ഔദ്യോഗികമായി ഞങ്ങൾ മെയ് 21ന് വിവാഹം രജിസ്റ്റർ ചെയ്തുവെന്നാണ് മീരാ വാസുദേവൻ വെളിപ്പെടുത്തിയത്. വിപിൻ പാലക്കാട്ടിലെ ആലത്തൂരിൽ നിന്നുള്ളതാണെന്നും താരം പരിചയപ്പെടുത്തുന്നു. ഛായാഗ്രാഹകനും അദ്ദേഹം ഒരു രാജ്യാന്തര അവാർഡ് ജേതാവുമാണ്. 2019 തൊട്ട് ഞങ്ങൾ ഒരുമിച്ച് സീരിയലിൽ പ്രവർത്തിക്കുകയാണ്. ഞങ്ങൾക്ക് പരസ്പരം ഏകദേശം ഒരു വർഷമായി സൗഹൃദത്തിലാണ്. കുടുംബാംഗങ്ങളെയും അടുത്ത സുഹൃത്തുക്കളും മാത്രമാണ് വിവാഹ ചടങ്ങിൽ പങ്കെടുത്തത്. കലാ ജീവിതത്തിൽ നൽകിയ സ്‌നേഹം തന്റെ ഭർത്താവിനോടും ഉണ്ടാകുമെന്ന് പ്രതീക്ഷിക്കുന്നതായും മീര കുറിച്ചു.
അതേസമയം താരത്തിനെതിരെ സൈബർ ആക്രമണം രൂക്ഷമായിരിക്കുകയാണ്.മീരയുടെ പ്രായത്തെയും വിപിന്റെ പ്രായത്തെയും താരതമ്യപ്പെടുത്തിയാണ് കുറ്റപ്പെടുത്തലുകൾ അധികവും. മുൻപ് രണ്ടുവട്ടം വിവാഹമോചനം നേടിയ മീരയുടെ മൂന്നാം വിവാഹമാണ് ഇത്. രണ്ടാം വിവാഹത്തിൽ ഒരു മകനുണ്ട്.
