ചെസ്സ് ചാമ്പ്യൻഷിപ്പിൽ പുതിയ കിരീടം അണിഞ്ഞ ഡി ഗുകേഷിനെ അഭിനന്ദിച്ച് ഇതിഹാസ റഷ്യൻ ചെസ് താരം ഗാരി കാസ്പറോവ്. ഇന്ത്യൻ ചെസ്സിന്റെ നിർണായക നിമിഷമാണിത് എന്ന് അദ്ദേഹം പറഞ്ഞു. ഈ വിജയത്തോടെ ചെസ് ഇതിഹാസം ഗാരി കാസ്പറോവിന്റെ 22-ാം വയസ്സിലെ (1985) ലോകകിരീടനേട്ടത്തെയാണ് ഗുഗേഷ് മറികടന്ന് ഏറ്റവും പ്രായം കുറഞ്ഞ ചാമ്പ്യനായത്.
ഏറ്റവും പ്രായം കുറഞ്ഞ ലോക ചാമ്പ്യൻ എന്ന റെക്കോർഡ് സ്വന്തമാക്കിയ ഗുകേഷിന് ഹൃദയം നിറഞ്ഞ അഭിനന്ദനങ്ങൾ.വ്യാഴാഴ്ച നടന്ന ലോക ചാമ്പ്യൻഷിപ്പ് മത്സരത്തിലെ അവസാന ക്ലാസിക്കൽ ഗെയിമിൽ ഡിംഗിനെ തോൽപ്പിച്ച് മുന്നേറി. പ്രതിസന്ധി ഘട്ടങ്ങളിലെ ഡി ഗുകേഷിന്റെ ശ്രദ്ധയെയും ദൃഢതയെയും കാസ്പറോവ് പ്രശംസിച്ചു. അവൻ എറ്റവും ഉയർന്ന കൊടുമുടി കീഴടക്കിയിരുക്കുന്നു എന്ന് അദ്ദേഹം പറഞ്ഞു.
ഗുകേഷ് തന്റെ പാതയിലെ എല്ലാ പ്രതിബന്ധങ്ങളെയും എതിരാളികളെയും അതിജീവിച്ചു മുന്നേറി. ഗുകേഷിന്റെ വിജയം കേവലം വ്യക്തിപരമായ നേട്ടമല്ലെന്നും ഇന്ത്യൻ ചെസിൽ വിശ്വനാഥൻ ആനന്ദ് ചെലുത്തിയ പരിവർത്തനപരമായ സ്വാധീനത്തിന്റെ പ്രതീകമാണെന്നും റഷ്യൻ ഇതിഹാസം അഭിപ്രായപ്പെട്ടു.
‘വിഷിയുടെ (വിശ്വനാഥന്‍ ആനന്ദ്) മക്കളുടെ’ യുഗം ശരിക്കും നമ്മുടെ മുകളിലേക്ക് വന്നിരിക്കുന്നു!’അവർ ഇനിയും ഉയരങ്ങളിൽ എത്തണം. ആനന്ദിനെ ആരാധിക്കുകയും ഇന്ത്യൻ ഇതിഹാസത്തിൽ നിന്നുള്ള മാർഗനിർദേശം പരമാവധി പ്രയോജനപ്പെടുത്തുകയും ചെയ്യുന്ന ഗുകേഷ് ഉൾപ്പെടെയുള്ള ഇന്ത്യൻ കളിക്കാരുടെ തലമുറയെ പരാമർശിച്ച് കാസ്പറോവ് പറഞ്ഞു. ഇതിഹാസതാരം ആനന്ദ് 2020ൽ ആരംഭിച്ച വെസ്റ്റ്ബ്രിഡ്ജ് ആനന്ദ് ചെസ് അക്കാദമിയുടെ ആദ്യ ബാച്ചിൽ നിന്നുള്ളയാളാണ് ഗുകേഷ്.
