ചില സംഖ്യകൾ, ചില ദിവസങ്ങൾ, ചില നിറങ്ങൾ, ഇതൊക്കെ ഭാഗ്യത്തിന് കാരണമാകും എന്ന് കരുതുന്ന ആളുകളുണ്ട്. ചില അക്കങ്ങൾ അവസാനിക്കുന്ന മൊബൈൽ നമ്പറുകൾക്കും, ചില ലോട്ടറി നമ്പറുകൾക്കും ഒകെ ഇതുപോലെയുള്ള ആവശ്യക്കാർ ഏറെയാണ്. ഇതിലൊക്കെ എന്തെങ്കിലും കാര്യമുണ്ടോ എന്ന് ചോദിച്ചാൽ, അതൊക്കെ ഓരോരുത്തരുടെ വിശ്വാസം അല്ലെ എന്നാണ് ഉത്തരം. എന്നാൽ ലോക ക്രിക്കറ്റിലെ ഏറ്റവും മികച്ച താരമായ കോഹ്‌ലിയുടെ ഭാഗ്യ നായകൻ ആരാണ് എന്ന് ചോദിച്ചാൽ ഒരു സംശയവും ഇല്ലാതെ അയാൾ പറയും- കെഎൽ രാഹുൽ.
ധോണിയുടെയും രോഹിതിന്റെയും ഒകെ കീഴിൽ അനേകം മത്സരങ്ങൾ കളിച്ചിട്ടുള്ള കോഹ്‌ലി രാഹുലിന് കീഴിൽ ആകെ കളിച്ചത് 5 മത്സരങ്ങളാണ്. ഇതിൽ നിന്ന് അദ്ദേഹം നേടിയത് 364 റൺസാണ്. 2 സെഞ്ചുറിയും 2 അർദ്ധ സെഞ്ചുറിയും സഹിതം കോഹ്‌ലി നേടിയിട്ടുണ്ട്. ഇപ്പോൾ സൗത്താഫ്രിക്കക്ക് എതിരെ നടക്കുന്ന ഏകദിനത്തിൽ കോഹ്‌ലി നേടിയ തകർപ്പൻ സെഞ്ചുറിക്ക് പിന്നാലെയാണ് ഈ കണക്കുകൾ ആളുകൾ ശ്രദ്ധിക്കുന്നത്.
രാഹുലിന് കീഴിൽ കോഹ്‌ലിയുടെ സ്‌കോറുകൾ 51, 0, 65, 113 , 135 ഇങ്ങനെയാണ്. ഏത് താരം നായകൻ ആയാലും കോഹ്‌ലി തന്റെ മികവ് കാണിക്കുമെങ്കിലും ഈ കണക്കുകൾ ശരിക്കും ഞെട്ടിക്കുന്നതാണ്.
അതേസമയം ആകെ കളിക്കുന്നത് ഒരു ഫോർമാറ്റ് മാത്രമാണ് എന്ന് ആരാധകരുടെ പരാതി, എന്നാൽ ആകെ കളിക്കുന്ന ഫോർമാറ്റിൽ നിങ്ങൾക്ക് വേണ്ട എന്റർടൈന്റ്‌ണ്മെന്റ് ഇതാ പിടിച്ചോ എന്ന് കോഹ്‌ലി. റാഞ്ചിയിൽ സൗത്താഫ്രിക്കക്ക് എതിരെ നടക്കുന്ന ഏകദിന പരമ്പരയിലെ ആദ്യ മത്സരത്തിൽ നേടിയ സെഞ്ചുറിയിലൂടെയാണ് കിംഗ് കോഹ്‌ലി ആരാധക മനം കവർന്നിരിക്കുന്നത്. ഏകദിന ഫോർമാറ്റിലെ തന്റെ 52 ആം സെഞ്ചുറിയും ആകെ തന്റെ 83 ആം സെഞ്ചുറിയും നേടിയിരിക്കുകയാണ് വിരാട് കോഹ്‌ലി. ധോണിയുടെ നാട്ടിൽ അദ്ദേഹത്തെ സ്നേഹിക്കുന്ന ആരാധകയും ഭാഗമായി സ്റ്റേഡിയത്തിൽ കോഹ്‌ലി തകർത്താടുക ആയിരുന്നു. കോഹ്‌ലിയുടെ മികവിൽ ഇന്ത്യ 349 – 8 എന്ന സ്കോറിലെത്തി 350 റൺ ലക്‌ഷ്യം ആഫ്രിക്കൻ ടീമിന് മുന്നിൽ വെച്ചിരിക്കുകയാണ്. 120 പന്തിൽ 11 ബൗണ്ടറിയുടെയും 7 സിക്സിന്റെയും സഹായത്തോടെ 135 റൺസ് എടുത്താണ് കോഹ്‌ലി മടങ്ങിയത്.
