വാഷിംഗ്ടൺ: മൈക്രോസോഫ്റ്റിന് പിന്നാലെ ടെക് ഭീമനായ ആപ്പിളിന്റെ സേവനങ്ങളുംആഗോളതലത്തിൽ പണിമുടക്കി. ചൊവ്വാഴ്ച രാവിലെ മുതൽ ഐക്ലൗഡ്, ആപ്പ് സ്റ്റോർ, ആപ്പിൾ പേ, ആപ്പിൾ മ്യൂസിക്, ആപ്പിൾ സപ്പോർട്ട് തുടങ്ങിയ പ്രധാന ഓൺലൈൻ സേവനങ്ങളെല്ലാംമണിക്കൂറുകളോളം തടസ്സപ്പെട്ടത് കോടിക്കണക്കിന് ഉപയോക്താക്കളെ വലച്ചു. തകരാറുകൾനിരീക്ഷിക്കുന്ന വെബ്സൈറ്റായ ഡൗൺഡിറ്റക്ടറിൽ (Downdetector) ആയിരക്കണക്കിന്ഉപയോക്താക്കളാണ് സേവനങ്ങൾ ലഭ്യമാകുന്നില്ലെന്ന് കാണിച്ച് പരാതി രേഖപ്പെടുത്തിയത്.
ഐഫോൺ, മാക് അടക്കമുള്ള ആപ്പിൾ ഉപകരണങ്ങളിൽ നിന്ന് അപ്രതീക്ഷിതമായി ഐക്ലൗഡ്അക്കൗണ്ടുകൾ ലോഗ് ഔട്ട് ആയതാണ് ഉപയോക്താക്കളെ ഏറെ ആശങ്കയിലാഴ്ത്തിയത്. തിരികെലോഗിൻ ചെയ്യാൻ ശ്രമിച്ചപ്പോൾ തുടർച്ചയായി പരാജയപ്പെടുകയും ചെയ്തു. ആപ്പ് സ്റ്റോറിൽ നിന്ന്പുതിയ ആപ്പുകൾ ഡൗൺലോഡ് ചെയ്യുന്നതിനും പുതിയ ഉപകരണങ്ങൾ ആക്ടിവേറ്റ്ചെയ്യുന്നതിനും ആപ്പിൾ പേ വഴി പണമിടപാടുകൾ നടത്തുന്നതിനും വലിയ തടസ്സങ്ങൾ നേരിട്ടു. കൂടാതെ, ഡെവലപ്പർമാർക്കായുള്ള ആപ്പ് സ്റ്റോർ കണക്ട്, ആപ്പിൾ റീട്ടെയിൽ സ്റ്റോറുകളിലെപർച്ചേസ് സംവിധാനങ്ങൾ എന്നിവയെയും സാങ്കേതിക തകരാർ ബാധിച്ചു.
കഴിഞ്ഞയാഴ്ച മൈക്രോസോഫ്റ്റ് ഔട്ട്ലുക്കും തിങ്കളാഴ്ച അമേരിക്കയിലെ പ്രമുഖ ബാങ്കായ ജെപിമോർഗൻ ചേസിന്റെ സംവിധാനങ്ങളും സമാനമായ രീതിയിൽ പണിമുടക്കിയതിനാൽ ആപ്പിളിന്നേരെയും വൻ സൈബർ ആക്രമണം ഉണ്ടായതായുള്ള അഭ്യൂഹങ്ങൾ സോഷ്യൽ മീഡിയയിൽശക്തമായിരുന്നു. എന്നാൽ, സൈബർ ആക്രമണമല്ല പ്രശ്നത്തിന് കാരണമെന്ന് ആപ്പിൾ വക്താവ്ഔദ്യോഗികമായി വ്യക്തമാക്കി. ആഭ്യന്തര സംവിധാനങ്ങളിൽ നടത്തിയ ഒരു സാങ്കേതികഅപ്ഡേറ്റാണ് വ്യാപകമായ തകരാറിലേക്ക് നയിച്ചതെന്ന് കമ്പനി പ്രസ്താവനയിലൂടെ അറിയിച്ചു.
സാങ്കേതിക വിദഗ്ധരുടെ അടിയന്തര ഇടപെടലിനെത്തുടർന്ന് ഭൂരിഭാഗം സേവനങ്ങളും ഇതിനോടകംപുനഃസ്ഥാപിച്ചിട്ടുണ്ട്. ശേഷിക്കുന്ന സംവിധാനങ്ങളും പൂർണ്ണതോതിൽ പ്രവർത്തനക്ഷമമാക്കാനുള്ളശ്രമങ്ങൾ തുടരുകയാണെന്ന് ആപ്പിൾ അറിയിച്ചു. അതേസമയം, സാങ്കേതിക തകരാർ മുതലെടുത്ത്വ്യാജ ‘ആപ്പിൾ ഐഡി വെരിഫിക്കേഷൻ’ സന്ദേശങ്ങളും ഇമെയിലുകളും വരാൻസാധ്യതയുള്ളതിനാൽ ഉപയോക്താക്കൾ ജാഗ്രത പാലിക്കണമെന്ന് സൈബർ സുരക്ഷാ വിദഗ്ധർമുന്നറിയിപ്പ് നൽകുന്നു.












