ഡല്‍ഹി: വായ്പ തിരിച്ചടച്ചില്ലെങ്കില്‍ വിജയ് മല്യയുടെ വിദേശത്തെ ആസ്തികള്‍ ബാങ്കുകള്‍ക്ക് ജപ്തി ചെയ്യാമെന്ന് സുപ്രീംകോടതി നിര്‍ദ്ദേശിച്ചു. വായ്പാ ഈടാക്കാനയി വിദേശത്തെ സ്വത്തുക്കള്‍ പരിഗണിക്കാനാവില്ലെന്ന വിജയ് മല്യയുടെ വാദവും കോടതി തള്ളിയിട്ടുണ്ട്. മല്യയ്‌ക്കെതിരെ ബാങ്കുകളുടെ കണ്‍സോര്‍ഷ്യമാണ് ഹര്‍ജി നല്‍കിയിരുന്നത്.
വിജയ്മല്യയുടെയും കുടുംബാംഗങ്ങളുടെയും വിദേശത്തെ സ്വത്ത് വിവരങ്ങള്‍ ബാങ്കുകള്‍ക്ക് കൈമാറാനും സുപ്രീംകോടതി നിര്‍ദേശിച്ചു. ബെംഗളൂരു ട്രൈബ്യൂണലിനോട് കിട്ടാക്കടം തിരിച്ചുപിടിക്കുന്നതിനുള്ള മല്യയുടെ കേസുകള്‍ രണ്ടുമാസത്തിനകം തീര്‍പ്പാക്കാനും സുപ്രീംകോടതി നിര്‍ദേശിച്ചു.
മല്യയെ രാജ്യത്ത് തിരിച്ചെത്തിക്കാന്‍ നടപടികള്‍ ആരംഭിച്ചതായി കേന്ദ്രസര്‍ക്കാര്‍ അറിയിച്ചു. തിഹാര്‍ ജയിലിലേക്ക് അയക്കുമെന്ന ഭയം മൂലമാണ് തിരിച്ചുവരാത്തതെന്ന് വിജയ് മല്യയുടെ അഭിഭാഷകന്‍ കോടതിയില്‍ അറിയിച്ചു. മല്യയുടെ പാസ്‌പോര്‍ട്ട് ഇന്ത്യന്‍ സര്‍ക്കാര്‍ ഇന്നലെ സാധുവാക്കിയിരുന്നു.
Discussion about this post