തൃശൂര്‍ : ബാര്‍ കോഴക്കേസില്‍ മന്ത്രി കെ.ബാബുവിനും ബിജു രമേശിനുമെതിരെ ദ്രുതപരിശോധന വേണമെന്ന് തൃശൂര്‍ വിജിലന്‍സ് കോടതി നിര്‍ദ്ദേശം. ബാര്‍ക്കോഴക്കേസില്‍ മന്ത്രി കെ.ബാബുവിനെയും ബിജു രമേശിനെയും പ്രതിചേര്‍ക്കണമെന്ന് കാണിച്ചുള്ള ഹര്‍ജിയിലാണ് ഉത്തരവ്.
ജനുവരി 23നകം ദ്രുതപരിശോധനയുടെ റിപ്പോര്‍ട്ട് നല്‍കാന്‍ വിജിലന്‍സ് ഡയറക്ടര്‍ക്ക് കോടതിയുടെ നിര്‍ദേശം. പൊതുപ്രവര്‍ത്തകനായ ജോര്‍ജ് വട്ടക്കുളമാണ് ഹര്‍ജിക്കാരന്‍.
മന്ത്രി ബാബുവിനെ ഒന്നാം പ്രതിയും ബിജു രമേശിനെ രണ്ടാം പ്രതിയുമാക്കണമെന്നാണ് ഹര്‍ജിയില്‍ ആവശ്യപ്പെടുന്നത്. മന്ത്രി ബാബു പണം വാങ്ങിയെന്ന് ബിജു രമേശ് ടെലിവിഷന്‍ ചാനലുകളില്‍ ആരോപിച്ചെന്നും ഇതു പരിശോധിക്കണമെന്നും സ്വ്വകാര്യ ഹര്‍ജിയില്‍ പറയുന്നു. ഹര്‍ജി കോടതി ഇന്നലെ സ്വീകരിച്ചിരുന്നു.
Discussion about this post