മുംബൈ: കോവിഡ് മഹാമാരിയേൽപ്പിച്ച സാമ്പത്തിക പ്രതിസന്ധിയിൽ നിന്നും ഇന്ത്യ വളരെ വേഗം തിരിച്ചുവരവ് നടത്തുകയാണെന്ന് റിസർവ് ബാങ്ക് ബുള്ളറ്റിനിൽ ലേഖനം.
‘സ്റ്റേറ്റ് ഓഫ് ഇക്കണോമി’ യെന്ന തലക്കെട്ടോടെയുള്ള റിസർവ് ബാങ്ക് ബുള്ളറ്റിനിലെ ലേഖനത്തിലാണ് ഈ സാമ്പത്തിക വർഷത്തിന്റെ മൂന്നാം പാദത്തിൽ വളർച്ച പോസറ്റീവ് സോണിലേക്ക് പ്രവേശിക്കുമെന്ന് വ്യക്തമാക്കിയിട്ടുള്ളത്.
ഇന്ത്യയുടെ ജിഡിപി വളർച്ച സാമ്പത്തിക വർഷത്തിന്റെ മൂന്നാം പാദത്തിൽ പോസിറ്റീവ് നിരക്കിലേക്ക് മാറുമെന്നാണ് ലേഖനത്തിൽ വിശദമാക്കിയിട്ടുള്ളത്‍. ഈ സാമ്പത്തിക വർഷത്തിന്റെ ആദ്യ പാദത്തിലെ സങ്കോചം 23.9 ശതമാനമായിരുന്നു. രണ്ടാം പാദത്തിൽ സങ്കോചം 7.5 ശതമാനമായി ചുരുങ്ങുകയും ചെയ്തിരുന്നു. നിലവിലെ മുന്നേറ്റം സമ്പദ്‌വ്യവസ്ഥ നിലനിർത്തുകയാണെങ്കിൽ പ്രതീക്ഷിക്കുന്നതിനേക്കാൾ വലിയ മാറ്റം രാജ്യത്തുണ്ടാവുമെന്ന് ലേഖനത്തിൽ രചയിതാക്കൾ പറയുന്നു.
