പൈനാവ്: ഇടുക്കി അണക്കെട്ട് രാവിലെ തുറന്നു.ഡാമിന്റെ മൂന്നാം നമ്പർ ഷട്ടർ 150 സെ.മീ വരെ ഉയർത്തി 150 ക്യൂമെക്സ് വരെ നിയന്ത്രിത അളവിൽ ജലമാണ് പുറത്തേക്കൊഴുക്കി വിടുന്നത്. ചെറുതോണി ഡാമിന്റെ താഴെ പ്രാദേശത്തുള്ളവരും പെരിയാറിന്റെ ഇരുകരകളിലുള്ളവരും അതീവ ജാഗ്രത പാലിക്കണമെന്ന് ഇടുക്കി കളക്ടര് അറിയിച്ചു.
ജലനിരപ്പ് 2,401 അടി കടന്നതോടെ ഇടുക്കി ഡാമിൽ ഓറഞ്ച് അലർട്ട് പ്രഖ്യാപിച്ചിരുന്നു. മുല്ലപ്പെരിയാർ അണക്കെട്ടിൽ നിന്നുള്ള നീരൊഴുക്ക് വർദ്ധിച്ചതും വൃഷ്ടിപ്രദേശത്ത് മഴ ലഭിച്ചതുമാണ് ഇടുക്കി ഡാമിൽ ജലനിരപ്പ് ഉയരാൻ കാരണമായത്. ഒരു അടി കൂടി ഉയർന്നാൽ റെഡ് അലർട്ട് പ്രഖ്യാപിക്കും.
അതേ സമയം മുല്ലപ്പെരിയാർ അണക്കെട്ടിൻറെ ഒമ്പത് ഷട്ടറുകൾ ഇന്നലെ യാതൊരു മുന്നറിയിപ്പുമില്ലാതെയാണ് തുറന്നുവിട്ടത്. ഇതോടെയാണ് ഇടുക്കി ഡാമിലും ജലനിരപ്പ് ഉയർന്നത്. ഡാമിന്റെ ഒരു ഷട്ടര് 40 സെന്റി മീറ്റര് മുതല് 150 സെന്റി മീറ്റര് വരെ ഉയര്ത്തി 40 മുതല് 150 ക്യൂമെക്സ് വരെ നിയന്ത്രിത അളവില് ജലം പുറത്തേക്ക് ഒഴുക്കി വിടും. മൂന്നാം നമ്പര് ഷട്ടറാണ് തുറന്നത്.
മുല്ലപ്പെരിയാറിൻറെ ഷട്ടറുകൾ മുന്നറിയിപ്പില്ലാതെ തുറന്നുവിട്ടത് പ്രദേശത്ത് വെള്ളപ്പൊക്കത്തിന് കാരണമായി. പലരെയും രാത്രിയിൽ മാറ്റപ്പാർപ്പിക്കേണ്ടിവന്നു. തമിഴ് നാടിൻറെ ഈ നടപടിക്കെതിരെ ജലവിഭവ മന്ത്രി റോഷി അഗസ്റ്റിൻ പ്രതികരിച്ചിരുന്നു. മുന്നറിയിപ്പില്ലാതെ ഷട്ടറുകൾ തുറക്കരുതെന്ന് പല തവണ തമിഴ്നാട് സർക്കാരിനോട് ആവശ്യപ്പെട്ടതാണ്. എന്നിട്ടും ഇക്കാര്യത്തിൽ നിസാരമായ സമീപനമാണ് തമിഴ്നാടിൻറെ ഭാഗത്തുനിന്നുണ്ടായത്. ഇത് ജനാധിപത്യ സംസ്കാരത്തിനും സാമൂഹ്യ നീതിക്കും നിരക്കുന്നതല്ലെന്നാണ് റോസി അഗസ്റ്റിൻ പ്രതികരിച്ചത്.
മുല്ലപ്പെരിയാർ വിഷയത്തിൽ തമിഴ്നാടിൻറെ സമീപനം കോടതിയെ ബോധ്യപ്പെടുത്തി പരിഹാരം കാണുമെന്നാണ് റോസി അഗസ്റ്റിൻ വ്യക്തമാക്കിയത്. ജനങ്ങളെ മാറ്റിപ്പാർപ്പിക്കും. ഡാമിൽ നിന്ന് 12654 ഘനയടി വെള്ളം ആണ് തുറന്നു വിട്ടത്. 9 ഷട്ടറുകൾ 120 സെൻറീമീറ്റർ വീതം ഉയർത്തിയായിരുന്നു വെളളം പുറത്തേക്ക് ഒഴുക്കിയത്. കഴിഞ്ഞ ദിവസങ്ങളിലും രാത്രിസമയം ഷട്ടർ തുറന്നത് വലിയ പ്രതിഷേധങ്ങൾക്ക് കാരണമായിരുന്നു.











