കരിപ്പൂർ : ഒളിപ്പിച്ചുകടത്താൻ ശ്രമിച്ച സ്വർണം പരിശോധനയ്ക്കിടെ കാണാതായി. സംഭവത്തിൽ 3 കസ്റ്റംസ് സൂപ്രണ്ടുമാർക്ക് സസ്പെൻഷൻ.ഇലക്ട്രോണിക് ഉപകരണത്തിൽ സ്വർണ്ണം ഒളിച്ചുകടത്താനായിരുന്നു ശ്രമം നടന്നത്.
കഴിഞ്ഞ ദിവസം വിദേശത്തുനിന്ന് കോഴിക്കോട് വിമാനത്താവളത്തിലെത്തിയ യാത്രക്കാരൻ കൊണ്ടുവന്ന ഇലക്ട്രോണിക് ഉപകരണത്തിൽ സ്വർണമുള്ളതായി ഉദ്യോഗസ്ഥർ സ്ഥിരീകരിച്ചിരുന്നു. എക്സ്റേ പരിശോധനയിൽ ആണ് സ്വർണ്ണം ഉണ്ടെന്ന സൂചന ലഭിച്ചത്. കൂടുതൽ പരിശോധനയ്ക്കായി ഇലക്ട്രോണിക് ഉപകരണം വിമാനത്താവളത്തിൽ വാങ്ങിവച്ച് യാത്രക്കാരനെ വിട്ടു.
എന്നാൽ ഒരാഴ്ചയ്ക്കു ശേഷം യാത്രക്കാരൻ ഉപകരണം തിരിച്ചുവാങ്ങാൻ എത്തിയപ്പോൾ ആണ് ഞെട്ടിക്കുന്ന സംഭവങ്ങൾ ഉണ്ടായത്. ഉപകരണത്തിൽ സ്വർണ്ണം കണ്ടെത്താൻ കഴിഞ്ഞില്ല. ഉയർന്ന ഉദ്യോഗസ്ഥർ വീണ്ടും എക്സ്റേ പരിശോധന നടത്തിയപ്പോൾ . സ്വർണം ഇല്ലെന്ന ഫലമാണു ലഭിച്ചത്.










