കൊച്ചി: മോഹൻലാലിനൊപ്പം സിനിമ ഉടനുണ്ടാകുമെന്ന അഭ്യൂഹം ശരിവച്ച് തിരക്കഥാകൃത്ത് ശ്യാം പുഷ്‌കരൻ.’തങ്കം’ എന്ന സിനിമയുമായി ബന്ധപ്പെട്ട വാർത്താ സമ്മേളനത്തിലാണ് അദ്ദേഹം ഇക്കാര്യം വെളിപ്പെടുത്തിയത്.നേരത്തെ തന്നെ മോഹൻലാലിനൊപ്പം ശ്യാം പുഷ്‌കരൻ സിനിമ ചെയ്യുന്നുവെന്ന അഭ്യൂസം േ്രപക്ഷകർക്കിടയിൽ ചർച്ചയായിരുന്നു. അതിനിടയിലാണ് ശ്യാം പുഷ്‌കരൻ വാർത്തകൾ ശരിവച്ച് രംഗത്തെത്തിയത്.
സൂപ്പർ സ്റ്റാറുകളെക്കാൾ ഉപരി ഇവരെല്ലാം അസാധ്യ നടന്മാരാണ്, നമ്മുടെ കാലത്ത് അവരുടെ അഭിനയതികവ് മുതലെടുത്തില്ലെങ്കിൽ പിന്നെ ഇക്കാലത്ത് ജീവിക്കുന്നതിൽ അർത്ഥമില്ലല്ലോ. വരും വർഷങ്ങളിൽ ഈ സിനിമകൾ ഉണ്ടാകും അതിനുള്ള പണികൾ നടക്കുന്നുണ്ടെന്നും ശ്യാം പുഷ്‌കരൻ കൂട്ടിച്ചേർത്തു.
അതേസമയം മഹേഷിൻറെ പ്രതികാരം, കുമ്പളങ്ങി നൈറ്റ്‌സ്, തൊണ്ടിമുതലും ദൃക്‌സാക്ഷിയും തുടങ്ങിയ സിനിമകൾക്ക് ശേഷം ശ്യാം പുഷ്‌കരൻ തിരക്കഥയൊരുക്കിയ ചിത്രമാണ് തങ്കം.ബിജു മേനോൻ, വിനീത് ശ്രീനിവാസൻ, അപർണ ബാലമുരളി തുടങ്ങിയവരാണ് പ്രധാന കഥാപാത്രങ്ങൾ. യൂട്യൂബിലെത്തി മണിക്കൂറുകൾക്കുള്ളിൽ വൺ മില്യൺ കടന്നിരിക്കുകയാണ് ചിത്രത്തിന്റെ ട്രെയ്ലർ.
