ന്യൂ ഡൽഹി:വെജിറ്റേറിയൻ ഫുഡ് ഓർഡർ ചെയ്തയാൾക്ക്് പകരം മാംസാഹാരം തെറ്റായി വിതരണം ചെയ്തസംഭവത്തിൽ ഓൺലൈൻ ഫുഡ് ഓർഡർ ആൻഡ് ഡെലിവറി പ്ലാറ്റ്ഫോമായ സൊമാറ്റോയ്ക്കും മക്‌ഡൊണാൾഡിനും ഒരു ലക്ഷം രൂപ പിഴ.ജോധ്പൂരിലെ ജില്ലാ ഉപഭോക്തൃ തർക്ക പരിഹാര ഫോറം ആണ് ഒരു ലക്ഷം രൂപ പിഴ ചുമത്തിയത്.
ഉപഭോക്തൃ സംരക്ഷണ നിയമം, 2019 ലംഘിച്ചതിന് സോമാറ്റോയ്ക്കും മക്ഡൊണാൾഡ്സിനും 1 ലക്ഷം രൂപ പിഴ ചുമത്തിയതിനോടൊപ്പം പരാതിക്കാരന് വ്യവഹാരച്ചെലവായി 5,000 രൂപ നൽകണമെന്നും ഉത്തരവിട്ടു.
പിഴയും വ്യവഹാരച്ചെലവും സൊമാറ്റോയും മക്ഡൊണാൾഡും സംയുക്തമായും നൽകണമെന്നും ഉത്തരവുണ്ട്. ഇതിനെതിരെ ഹർജി സമർപ്പിക്കാനുള്ള ഒരുക്കത്തിലാണ് സൊമാറ്റോ. തങ്ങൾ ഡെലിവറി സേവനം മാത്രമാണ് നൽകുന്നതെന്നും ഓർഡറിലെ തെറ്റുകൾ, ഗുണനിലവാരം, എന്നിവയ്ക്ക് റെസ്‌റ്റോറന്റാണ് ഉത്തരവാദിയാണെന്നുമാണ് കമ്പനിയുടെ വാദം.
