മുംബൈ: മുംബൈയില്‍ സൈബര്‍ തട്ടിപ്പില്‍ വയോധിക ദമ്പതികള്‍ക്ക് നാലു മാസത്തിനിടെ നഷ്ടമായത് 4 കോടി രൂപ. പ്രമുഖ കോര്‍പ്പറേറ്റ് സ്ഥാപനങ്ങളില്‍ ജോലി ചെയ്തിരുന്ന സൗത്ത് മുംബൈ സ്വദേശികളായ ദമ്പതികളാണ് തട്ടിപ്പിനിരയായത്.
എംപ്ലോയീസ് പ്രൊവിഡന്റ് ഫണ്ട് ഓര്‍ഗനൈസേഷനില്‍ നിന്നാണ് വിളിക്കുന്നതെന്ന് അവകാശപ്പെട്ട് ഒരു സ്ത്രീയാണ് ആദ്യം ദമ്പതികളെ ബന്ധപ്പെട്ടതെന്ന് ഭാര്യ കഫ് പരേഡ് പോലീസിനോട് പറഞ്ഞു. ഇവരുടെ ഭര്‍ത്താവ് നേരത്തെ ജോലി ചെയ്തിരുന്ന കമ്പനിയുടെ പേരും പാന്‍ കാര്‍ഡ് നമ്പറും റിട്ടയര്‍മെന്റ് വിശദാംശങ്ങളും വിളിച്ചയാള്‍ പറഞ്ഞു.
ഇത്തരത്തിലാണ് തട്ടിപ്പുകാര്‍ ദമ്പതികളുടെ വിശ്വാസം നേടിയെടുത്തത്. 20 വര്‍ഷത്തിന് ശേഷം നിക്ഷേപത്തിനായി തന്റെ ഭര്‍ത്താവിന്റെ കമ്പനി 4 ലക്ഷം രൂപ പ്രൊവിഡന്റ് ഫണ്ടില്‍ സൂക്ഷിച്ചിട്ടുണ്ടെന്നും ഇപ്പോള്‍ തനിക്ക് 11 കോടി രൂപ ലഭിക്കാന്‍ അര്‍ഹതയുണ്ടെന്നും വിളിച്ചയാള്‍ ദമ്പതികളോട് പറഞ്ഞു. തുടര്‍ന്ന് ടിഡിഎസ്, ജിഎസ്ടി, ആദായനികുതി എന്നിവ അടയ്ക്കാന്‍ പണം കൈമാറാനും യുവതി ആവശ്യപ്പെട്ടു.
പന്നീട്, വിവിധ കാരണങ്ങള്‍ പറഞ്ഞ് വിളിച്ചയാള്‍ ദമ്പതികളില്‍ നിന്ന് പണം ആവശ്യപ്പെടുകയും, വിളിച്ചയാള്‍ നല്‍കിയ ബാങ്ക് അക്കൗണ്ടുകളിലേക്ക് ഇവര്‍ പണം അയയ്ക്കുകയും ചെയ്തു. നാല് കോടി രൂപ കൈപ്പറ്റാന്‍ പ്രതികള്‍ ഒരു ഡസനിലധികം ബാങ്ക് അക്കൗണ്ടുകള്‍ ഉപയോഗിച്ചതായി ഉദ്യോഗസ്ഥര്‍ പറഞ്ഞു.
പിന്നീട്, നാലുമാസം കൊണ്ട് ദമ്പതികളുടെ കയ്യിലെ പണം തീര്‍ന്നതോടെ, രണ്ടാമന്‍ അവരെ ഭീഷണിപ്പെടുത്താന്‍ തുടങ്ങി. തങ്ങള്‍ അടച്ച തുക മരവിപ്പിക്കുമെന്നും ഐടി വകുപ്പ് എത്തുമെന്നും തട്ടിപ്പുകാര്‍ ഭീഷണിപ്പെടുത്തിയതായി ഇരുവരും പറഞ്ഞു. ഇതോയൊണ് ഇവര്‍ പൊലീസില്‍ പരാതി നല്‍കുന്നത്.
