ശ്രീനഗർ: ജമ്മു കശ്മീരിന് പ്രത്യേക പദവി നൽകുന്ന ആർട്ടിക്കിൾ 370 റദ്ദാക്കിയതിനെത്തുടർന്ന് കാശ്മീരിനുണ്ടായിരിക്കുന്ന പുരോഗതി കാണിക്കുവാൻ റാപ് സംഗീതത്തിന്റെ വഴി തിരഞ്ഞെടുത്തിരിക്കുകയാണ് കശ്മീരിലെ രണ്ട് ഗായകർ. ബദൽത്ത കാശ്മീർ(മാറി കൊണ്ടിരിക്കുന്ന കശ്മീർ ) എന്ന റാപ്പ് ഗാനത്തിന്റെ വീഡിയോ രണ്ട് ദശലക്ഷത്തിലധികം വ്യൂസ് നേടി സോഷ്യൽ മീഡിയയിൽ ഹിറ്റായിരിക്കുകയാണ്.
മൂന്ന് മിനിറ്റിലധികം ദൈർഘ്യമുള്ള ഗാനം റാപ്പർമാരായ റാസിഖ് ഷെയ്ഖ് (എംസി റാ), ഹുമൈറ (8 എംആർ) എന്നിവരുടെതാണ്. ഡിസംബർ 3 നാണ് ഇത് യുട്യൂബിൽ റിലീസ് ചെയ്തത്.
2019 ഓഗസ്റ്റിൽ ആർട്ടിക്കിൾ 370 റദ്ദാക്കിയതിന് ശേഷം കാശ്മീരിൽ ഉണ്ടായ നല്ല പരിവർത്തനത്തെ ഈ ഗാനത്തിൽ എടുത്തുകാണിക്കുന്നു. മതസ്വാതന്ത്രത്തെ കുറിച്ചും പെൺകുട്ടികൾക്ക് ഇഷ്ടമുള്ള വസ്ത്രം ധരിക്കാനുള്ള സ്വാതന്ത്ര്യത്തെക്കുറിച്ചും ഗാനം സംസാരിക്കുന്നു. ടൂറിസ്റ്റ് സീസണുകൾ, അമർനാഥ് യാത്ര, ശ്രീനഗർ സ്മാർട്ട് സിറ്റി, ഡിജിറ്റൽ വിപ്ലവം എന്നിവയും ഇതിൽ പരാമർശിക്കുന്നു.
താഴ്‌വരയിലെ ജനങ്ങൾ എങ്ങനെയാണ് ഇപ്പോൾ ഇന്ത്യക്കാരായതിൽ അഭിമാനം ഉള്ളവരായതെന്ന് യുവാക്കൾ പാട്ടിലൂടെ വ്യക്തമാക്കുന്നു . “തിരംഗ (ത്രിവർണം, ഇന്ത്യൻ പതാക) എന്റെ ഹൃദയത്തിലാണ്, അത് എന്റെ ഐഡന്റിറ്റിയാണ്, ഹിന്ദുസ്ഥാൻ എന്റെ രാജ്യമാണ്,” എന്ന വരികളുമായി കാശ്മീരികൾക്ക് ഇതുവരെ അനുഭവത്തിൽ ഇല്ലാതിരുന്ന ദേശസ്നേഹം എന്ന വികാരവുമായി ഗാനം മുന്നോട്ട് പോകുന്നു താഴ്‌വരയിലെ മാറിയ സാഹചര്യവും വികസനവും നിരീക്ഷിച്ചതിന് ശേഷമാണ് ഗാനത്തിന്റെ ആശയം ഉണ്ടായതെന്ന് ഷെയ്ഖ് പറഞ്ഞു.
ഓരോ ഹിപ്-ഹോപ്പ് കലാകാരനും കാര്യങ്ങൾ സൂക്ഷ്മമായി നിരീക്ഷിക്കുന്നു. സ്മാർട്ട് സിറ്റി, ജി 20, മറ്റ് സംഭവവികാസങ്ങൾ തുടങ്ങിയ കശ്മീരിലെ പരിവർത്തനം ഞാൻ കണ്ടു, അതാണ് എന്റെ പ്രചോദനം. എന്റെ വികാരങ്ങൾ പ്രകടിപ്പിക്കാൻ ഞാൻ ആഗ്രഹിച്ചു, ”ദക്ഷിണ കശ്മീരിലെ ഷോപ്പിയാനിൽ താമസിക്കുന്ന ഷെയ്ഖ് പറഞ്ഞു
ഈ പാട്ട് പാടിയിരിക്കുന്നതും ഇതിന്റെ വരികൾ എഴുതിയിരിക്കുന്നതും കശ്മീരിലെ ഷോപിയാനിൽ താമസിക്കുന്ന ഷെയ്ഖ് ആണ്. തുടർന്ന് ഹുമൈറ ഇതിന്റെ ഭാഗം ആവുകയായിരുന്നു.
“ഏകദേശം 90 ശതമാനം പ്രേക്ഷകരും ഗാനം ഇഷ്ടപ്പെട്ടു, അവരുടെ അഭിപ്രായങ്ങൾ പോസിറ്റീവ് ആണ്. ബാക്കി 10 ശതമാനം നെഗറ്റീവ് ആണ്, പക്ഷേ ഞാൻ അവരെ അവഗണിക്കുന്നു. പാട്ടിന് ഏകദേശം മൂന്ന് ദശലക്ഷം വ്യൂസ് ഉണ്ടെങ്കിൽ, 10 ശതമാനം നെഗറ്റീവ് കമന്റുകൾ പ്രശ്നമല്ല. പോസിറ്റീവ് അഭിപ്രായങ്ങൾ എടുക്കുക, നെഗറ്റീവ് ആയവ അവഗണിക്കുക,” അദ്ദേഹം കൂട്ടിച്ചേർത്തു
