ഇന്ന് ലോക ബ്രെയിലി ദിനം. ബ്രെയിലി ലിപി റൈറ്റിംഗ് സിസ്റ്റത്തിന്റെ ഉപജ്ഞാതാവായ ലൂയിസ് ബ്രെയിലിന്റെ ജന്മവാര്‍ഷികത്തോടനുബന്ധിച്ചാണ് ജനുവരി 4 ന് ലോക ബ്രെയിലി ദിനമായി ആചരിക്കുന്നത്. കാഴ്ച പരിമിതിയുള്ള വ്യക്തികള്‍ക്കായാണ് ബ്രെയിലി ലിപി രൂപീകരിച്ചിരിക്കുന്നത്. ബ്രെയിലി സാക്ഷരത പ്രോത്സാഹിപ്പിക്കുകയും അതിന്റെ പ്രാധാന്യത്തെക്കുറിച്ച് ജനങ്ങളില്‍ അവബോധം വളര്‍ത്തുക എന്നതാണ് ലോക ബ്രെയിലി ദിനാചരണത്തിന്റെ ലക്ഷ്യം.
കാഴ്ച പരിമിതിയുള്ളവര്‍ക്ക് ആഗോള തലത്തില്‍ അംഗീകരിക്കപ്പെട്ട കൈയെഴുത്ത് പ്രിന്റിംഗ് രീതിയാണ് ബ്രെയ്ലി ലിപി.1824 ലാണ് ലൂയിസ് ബ്രെയിലി ഈ രചനാ രീതി വികസിപ്പിച്ചെടുത്തത്. കടലാസില്‍ മുഴച്ച് നില്‍ക്കുന്ന അക്ഷരങ്ങളില്‍ മെല്ലെ കൈയോടിച്ചാണ് ബ്രെയിലി ലിപിയില്‍ എഴുതിയത്. മൂന്ന് വരികളിലായി രണ്ട് കോളങ്ങളില്‍ ആറ് കുത്തുകളാല്‍ പ്രതിനിധീകരിക്കുന്ന അക്ഷര രീതികളാണ് ഈ ലിപിയുടെ അടിസ്ഥാനം. 1932 വരെ ലൂയിസ് ബ്രെയിലിയുടെ ഈ രീതി ലോകം അംഗീകരിച്ചിരുന്നില്ല. എന്നാല്‍ 1932 കള്‍ക്ക് ശേഷം ഇത് അംഗീകരിക്കുകയും ആഗോളതലത്തില്‍ കാഴ്ച പരിമിതിയുള്ളവര്‍ക്ക് എഴുത്തിനും വായനക്കുമുള്ള മാര്‍ഗമായി ഈ ലിപി പരിണമിക്കുകയും ചെയ്തു.
ലോക ബ്രെയ്ലി ദിനം ചരിത്രം
ബ്രെയിലി സമ്പ്രദായം കണ്ടുപിടിച്ച ഫ്രഞ്ചുകാരനാണ് ലൂയിസ് ബ്രെയിലി. തുകല്‍ തുന്നുന്ന വലിയ സൂചി കൊണ്ട് ലൂയിബ്രെയിലിന്റെ ഒരു കണ്ണിന്റെ കാഴ്ച നഷ്ടമായി. അണുബാധയുണ്ടായി മറ്റേ കണ്ണിന്റെ കാഴ്ചയും പോയി. കാഴ്ച പരിമിതിയുള്ളവര്‍ക്കുള്ള ലിപിക്കായി 15ാം വയസ്സില്‍ കഠിനപ്രയത്‌നം ചെയ്ത ബ്രയില്‍ എഴുതാന്‍ ഉപയോഗിച്ചതും തുകല്‍ തുന്നാനുള്ള അതേ സൂചി തന്നെ. ബ്രെയിലി സമ്പ്രദായം വികസിക്കുന്നതിനുമുമ്പ്, കാഴ്ചപരിമിതിയുള്ളവര്‍ ഹായ് സിസ്റ്റമാണ് ഉപയോഗിച്ചിരുന്നത്. ഇത് കട്ടിയുള്ള കടലാസിലോ തുകലോ രൂപകല്‍പ്പന ചെയ്ത ഒരു ലാറ്റിന്‍ സംവിധാനമായിരുന്നു. എന്നിരുന്നാലും, ഈ രീതി ആളുകളെ വായിക്കാന്‍ മാത്രമാണ് സാധിച്ചിരുന്നത്. സാങ്കേതിക പരിമിതികള്‍ കാരണം, ബ്രെയില്‍ ഒരു ഉപയോക്തൃ-സൗഹൃദ ബ്രെയില്‍ സിസ്റ്റം സൃഷ്ടിച്ചു. ഡോട്ടുകളില്‍ എഴുതിയ ചിഹ്നങ്ങള്‍ അടങ്ങിയ കോഡുകള്‍ ഉപയോഗിച്ച് ബ്രെയില്‍ കോഡ് തിരിച്ചറിയാനും ആശയവിനിമയം തുടരാനും ആളുകള്‍ക്ക് സ്പര്‍ശനത്തിലൂടെ ഈ സിസ്റ്റം ഉപയോഗപ്രദമായി.
