ന്യൂഡൽഹി: ഒരു സാമ്പത്തിക ശക്തി എന്ന നിലയിലുള്ള ഇന്ത്യയുടെ വളർച്ച, ഇന്ന് ലോകത്തിന് സംഭവിച്ച ഏറ്റവും നല്ല കാര്യങ്ങളിൽ ഒന്നാണെന്ന് വ്യക്തമാക്കി മൈക്രോസോഫ്റ്റ് സ്ഥാപകനും ലോകത്തെ ഏറ്റവും വലിയ കോടീശ്വരന്മാരിൽ ഒരാളുമായ ബിൽ ഗേറ്റ്സ്.
വാർത്താ ഏജൻസി ആയ എ എൻ ഐ ക്ക് കൊടുത്ത പ്രേത്യേക അഭിമുഖത്തിലാണ് ഇന്ത്യയുടെ വളർച്ച തന്നെ അതിശയിപ്പിക്കുന്നുണ്ടെന്നും, ക്രിയാത്മകമായ കാര്യങ്ങൾ ചെയ്യാനുള്ള ഇന്ത്യയുടെ കഴിവ് മികച്ചതാണെന്നും അദ്ധേഹം പറഞ്ഞത്. താനും ലോക കോടീശ്വരന്മാരിൽ പ്രധാനിയായ വാറൻ ബഫറ്റും തമ്മിൽ ലോക കാര്യങ്ങളെ കുറിച്ച് നടത്തുന്ന സംസാരങ്ങളിൽ ഇന്ത്യയെ കുറിച്ചുള്ള പരാമർശങ്ങൾ ഉണ്ടാകാറുണ്ടെന്നും അദ്ദേഹം പറഞ്ഞു.
എല്ലാം ഏറ്റവും മികച്ച രീതിയിൽ ചെയ്യണം എന്ന ഇപ്പോഴുള്ള സർക്കാരിന്റെ നിർബന്ധ ബുദ്ധിയെയും ബിൽ ഗേറ്റ്സ് പ്രശംസിച്ചു.
എതിരാളികളേക്കാൾ നന്നായി ഞങ്ങൾ ആരോഗ്യ സംവിധാനം പ്രവർത്തിപ്പിക്കും, സ്കൂളുകൾ അവരെക്കാൾ മികച്ചതാക്കും, സമ്പദ് വ്യവസ്ഥ ഉയർത്തി കൊണ്ടുവരും എന്നിങ്ങനെ രാഷ്ട്രീയ മത്സരത്തിൽ ഏർപ്പെടുന്ന ഒരു സർക്കാർ നിങ്ങൾക്ക് ലഭിച്ചതിൽ സന്തോഷമുണ്ട് എന്നും ബിൽ ഗേറ്റ്സ് പറഞ്ഞു
