തിരുവനന്തപുരം : സംസ്ഥാനത്ത് സ്വർണവിലയിൽ ഇടിവ്. പവന് 240 രൂപയാണ് കുറഞ്ഞത്. ഇതോടെ സ്വർണത്തിന്റെ വിപണി വില 53, 800 രൂപയായി മാറി.ഇന്നലെ അക്ഷയ തൃതിയ ദിനത്തിൽ സ്വർണവില രണ്ട് തവണയായാണ് കൂടിയത്. 680 രൂപയാണ് വർദ്ധിച്ചത്.
ഒരു ഗ്രാം സ്വർണത്തിന് 30 രൂപയാണ് കുറഞ്ഞത്. ഒരു ഗ്രാം സ്വർണത്തിന്റെ ഇന്നത്തെ നിരക്ക് 6,725 രൂപയാണ്. ഇന്നലെ ഒരു പവൻ സ്വർണത്തിന് 54, 040 രൂപയും ഒരു ഗ്രാമിന് 6,755 രൂപയും ആയിരുന്നു വില. രാജ്യാന്തര വിപണിയിലെ വിലകയറ്റമാണ് കേരളത്തിലെ സ്വർണവില വർദ്ധനയ്ക്ക് കാരണം. അമേരിക്ക നേരിടുന്ന എക്കാലത്തെയും വലിയ പണപ്പെരുപ്പവും വിലവർദ്ധനവിന് മറ്റൊരു പ്രധാനകാരണമായി ചൂണ്ടിക്കാണിക്കപ്പെടുന്നു.
