കണ്ണൂർ: കൊങ്കൺ വഴി ഓടുന്ന കേരളത്തിൽനിന്നുള്ള തീവണ്ടികള്‍ക്കുള്‍പ്പെടെ സമയമാറ്റം. വെള്ളിയാഴ്ച മുതൽ ആണ് സമയക്രമം മാറുക. മൺസൂൺ കാലത്ത് 40-75 കിലോമീറ്ററായി വേഗം കുറച്ച വണ്ടികൾ ഇനി മുതൽ 110 കിലോമീറ്റര്‍ വേഗത്തിലോടും. മംഗള, നേത്രാവതി, മത്സ്യഗന്ധ അടക്കം 25-ലധികം വണ്ടികൾക്ക് പുതിയ സമയമാണ്.
എറണാകുളം-നിസാമുദ്ദീൻ മംഗള എക്‌സ്‌പ്രസ് (12617) മൂന്നുമണിക്കൂറോളം വൈകി പുറപ്പെടും. നിലവിൽ രാവിലെ 10.30 ന് പുറപ്പെടുന്ന ട്രെയിൻ എറണാകുളത്തുനിന്ന് ഉച്ചക്ക് 1.25-ന് പുറപ്പെടും. ഷൊർണൂരിൽ വൈകീട്ട് 4.15-നും കണ്ണൂരിൽ 6.39-നും എത്തും. നിലവിൽ 11.40-ന് മംഗളൂരുവിൽ എത്തുന്ന നിസാമുദ്ദീൻ-എറണാകുളം മംഗള (12618) ഒരുമണിക്കൂർ നേരത്തേ എത്തും. വണ്ടി രാത്രി 10.35-ന് മംഗളൂരു വിടും.
ഷൊർണൂരിൽ പുലർച്ചെ 4.15-നും എറണാകുളത്ത് 7.30-നും എത്തും. തിരുവനന്തപുരം-ലോകമാന്യതിലക് നേത്രാവതി എക്‌സ്‌പ്രസ് (16346) രാവിലെ 9.15-ന് തന്നെ പുറപ്പെടും. എറണാകുളം ഉച്ചക്ക് 1.50. കോഴിക്കോട്ട്‌- വൈകീട്ട് 6.05. കണ്ണൂർ- 6.35. കോഴിക്കോട് 8.10. ഷൊർണൂർ 10.20. വൈകീട്ട് 6.20- ന് തിരുവനന്തപുരം. മംഗളൂരുവിൽനിന്ന് മുംബൈയിലേക്കുള്ള മത്സ്യഗന്ധ (12620) ഉച്ചക്ക് 2.20-ന് പുറപ്പെടും. നിലവിൽ 12.45 ന് ആണ് പുറപ്പെടുന്നത്.
