കൊച്ചി: മൈക്കല്‍ സ്റ്റാറേ മടങ്ങിയശേഷം ഇടക്കാല പരിശീലകന്‍ ടി.ജി പുരുഷോത്തമന് കീഴിൽ ഇറങ്ങിയ കന്നി മത്സരത്തിൽ കേരളാ ബ്ലാസ്റ്റേഴ്സിന് തകർപ്പൻ ജയം. മൊഹമ്മദൻ എസ്‌സിക്കെതിരെ നടന്ന ഏകപക്ഷീയമായ മത്സരത്തിൽ കേരള ബ്ലാസ്റ്റേഴ്‌സ് 3-0 ന് ജയം ഉറപ്പാക്കുകയായിരിന്നു . ആദ്യ പകുതി ഗോൾ രഹിതമായെങ്കിലും, രണ്ടാം പകുതിയിൽ ടസ്‌ക്കേഴ്‌സ് ഉണർന്നു കളിച്ചപ്പോൾ മറുപടിയില്ലാതെ ഉഴറുകയായിരിന്നു മുഹമ്മദൻ എസ് സി.
വ്യക്തമായ അവസരങ്ങൾ സൃഷ്ടിക്കാൻ ഇരുടീമുകളും പാടുപെട്ടതോടെ ആദ്യ പകുതി ഏറെക്കുറെ വിരസമായിരിന്നു . ക്വാം പെപ്രയുടെ ദുർബലമായ ഹെഡ്ഡർ മുഹമ്മദൻ ഗോൾകീപ്പറുടെ കൈകളിൽ അനായാസം ലഭിച്ചതാണ് കേരളം ഗോളിന് ഏറ്റവും അടുത്തെത്തിയ ചാൻസ് . മറുവശത്ത് മുഹമ്മദൻ പ്രതിരോധത്തിൽ ഉറച്ചു നിന്നു.
നാടകീയമായ വഴിത്തിരിവിനാണ് രണ്ടാം പകുതി സാക്ഷ്യം വഹിച്ചത്. പുതിയ നിശ്ചയദാർഢ്യത്തോടെ ഉയർന്നുവന്ന കേരള ബ്ലാസ്റ്റേഴ്സിന് 62-ാം മിനിറ്റിലാണ് ഗോൾ വല കുലുക്കിയത്.
ബോക്സിലേക്ക് ഒരു ലോഫ്റ്റ് ചെയ്ത പന്ത് മുഹമ്മദൻ ഗോൾകീപ്പർ ഭാസ്‌കർ റോയ് തെറ്റായി വിലയിരുത്തിയതിനെ തുടർന്ന് , നിർഭാഗ്യകരമായ സെൽഫ് ഗോൾ ആതിഥേയർക്ക് ലീഡ് നൽകി. 80-ാം മിനിറ്റിൽ തങ്ങളുടെ നേട്ടം ഇരട്ടിയാക്കി ടസ്‌കേഴ്‌സ് അവരുടെ കുതിപ്പ് തുടർന്നു.
സമയം അവസാനിക്കാൻ സെക്കൻഡുകൾ മാത്രം ബാക്കി നിൽക്കെ 90-ാം മിനിറ്റിൽ കേരളം മുഹമ്മദിൻ്റെ ശവപ്പെട്ടിയിൽ അവസാന ആണിയും അടിച്ചു. അഡ്രിയാൻ ലൂണ ഒരു മികച്ച പന്ത് ബോക്സിലേക്ക് എത്തിച്ചു, അലക്സാണ്ടർ കോഫ് ശക്തമായ ഒരു ഹെഡ്ഡറിലൂടെ ഗോൾ വലയിലേക്ക് അടിച്ചു കയറ്റി , 3-0 ന്റെ വമ്പൻ വിജയവും. ബ്ലാസ്റ്റേഴ്സിന്റെ തിരിച്ചു വരവും.
