ഭാരതീയ സംസ്‌കാരത്തിൽആഴത്തിൽ വേരൂന്നിയതാണ് ആയുർവേദം.ആയിരക്കണക്കിന് വർഷങ്ങൾക്ക് മുൻപേ ജീവിതത്തിന്റെ ഭാഗമായ ഒന്ന്. മനുഷ്യൻ അനുഭവിക്കുന്ന പല രോഗപീഡകങ്ങൾക്കും പ്രകൃതിയാണ് പരിഹാരം എന്നാണ് ആയുർവേദം പറഞ്ഞുവയ്ക്കുന്നത്. ആയുർ അഥവാ ജീവിതവും വേദം അഥവാ അറിവും കൂടി ചേരുമ്പോൾ ആയുർവേദമാകുന്നു. ആയുസ്സ് എന്നാൽ ജനനം മുതൽ മരണം വരെയുള്ള ജീവിതമാണ്. ചുരുക്കത്തിൽ ആയുസ്സ് എന്നാൽ ജീവിതം. ആയുസ്സിനെ കുറിച്ചുള്ള ജ്ഞാനമാണ് ആയുർവേദം എന്നു പറയാം. മെച്ചപ്പെട്ട ജീവിതത്തിനു വേണ്ട സാഹചര്യങ്ങൾ ഒരുക്കുകയാണ് ആയുർവേദം ചെയ്യുന്നത്.പഞ്ചഭൂതനിർമ്മിതമായ പ്രകൃതിയിൽ, പഞ്ചഭൂതനിർമ്മിതമായ മനുഷ്യശരീരത്തെ, പഞ്ചഭൂതങ്ങൾ ഉപയോഗിച്ചു തന്നെ ചികിത്സിക്കുക എന്നതാണ് ആയുർവേദത്തിന്റെ തത്ത്വം.
ആയുർവേദത്തിന്റെ മഹത്വവും ഗുണഗണങ്ങളും തിരിച്ചറിഞ്ഞ് വിദേശീയർ ആയുർവേദചികിത്സ തേടി നമ്മുടെ രാജ്യത്തേക്ക് എത്തുന്നു. നേപ്പാളിലും ഇന്ത്യയിലും പരമ്പരാഗത വൈദ്യത്തിൽ വർഷങ്ങളായി ഉപയോഗിച്ച് വരുന്ന ഒരു വസ്തുവാണ് ഇപ്പോൾ വിദേശീയർക്കിടയിൽ ചർച്ചാവിഷയമായിരിക്കുന്നത്.2024 ആഗസ്റ്റിൽ, ഒരു ഓസ്ട്രേലിയൻ കമ്പനിയായ ഹിമാലയൻ പൗഡർഷിലാജിത് 15 ഗ്രാമിന് 3,700 രൂപയ്ക്ക് ഷിലാജിത് വിൽക്കാൻ തുടങ്ങിയപ്പോഴാണ് ഇത് വാർത്തകളിൽ ഇടം നേടിയത്. പുരുഷന്മാർക്കും സ്ത്രീകൾക്കും ഒരുപോലെ ഗുണകരമായ, അസ്ഥികളെ ബാധിക്കുന്ന പ്രശ്‌നങ്ങൾക്ക് മുതൽ പ്രത്യുത്പാദന ശേഷി വർദ്ധിപ്പിക്കുന്തിന് വരെ ഒരുപോലെ ഉപയോഗിക്കാവുന്ന അത്ഭുതം. ശിലാജിത്ത് എന്നാണ് അത് അറിയപ്പെടുന്നത്. ആന്റിഓക്‌സിഡിന്റെ കലവറയാണ് ഇതെന്ന് നേരത്തെ തെളിഞ്ഞതാണ്. 40 ലധികം ധാതുക്കളാണ് ശിവാജിത്തിൽ അടങ്ങിയിരിക്കുന്നത്. ഹിമാലയ സാനുക്കൾ മനുഷ്യർക്കായി ശേഖരിച്ചുവച്ച നിധിയാണ് ഷിലാജിത്ത് എന്ന് വേണമെങ്കിൽ പറയാം.
ഹിമാലയത്തിൽ കാണപ്പെടുന്ന പാറ പ്രദേശങ്ങളിലെ ഹ്യൂമസിൽ നിന്നും ദ്രവിച്ച ചെടികളുടെ അവശിഷ്ടങ്ങളിൽ നിന്നും രൂപപ്പെടുട്ട സവിശേഷമായ ഒന്നാണ് ശിലാജിത്ത്. രൂപത്തിൽ ടാറിനെ ഓർമ്മിക്കുന്ന കറുകറുത്ത കൊഴുത്ത ഒന്ന്. സമുദ്രനിരപ്പിൽ നിന്ന് ഏകദേശം16,000 അടിമുതൽ മുതൽ 19,000 അടിവരെ ഉയരത്തിലാണ് ഇത് കാണപ്പെടുന്നത്. ദശലക്ഷക്കണക്കിന് വർഷങ്ങൾക്ക് മുമ്പ്, ഏഷ്യൻ ഭൂഖണ്ഡവും ഇന്ത്യൻ ഉപഭൂഖണ്ഡവും തമ്മിൽ കൂട്ടിയിടിച്ചപ്പോൾ, കല്ലുകൾ തകർന്ന് മറ്റുള്ളവയുമായി ചേർന്ന് ഈ ഉത്പന്നം നിർമ്മിക്കപ്പെട്ടു.ആയിരക്കണക്കിന് വർഷങ്ങൾ പഴക്കമുള്ളതാണ് ശിലാജിത്തിന്റെ ഉപയോഗം, സംസ്‌കൃത ഗ്രന്ഥങ്ങളിൽ പരാമർശങ്ങളായും ചരക (എ.ഡി. 125-150), സുശ്രുത (എ.ഡി. 200-500), വാഗ്ഭട്ട (എ.ഡി. 600) തുടങ്ങിയ ആയുർവേദ ഗ്രന്ഥങ്ങളിലും ഇതിനെ കുറിച്ച് പ്രതിപാദിക്കുന്നുണ്ട്.
സ്വർണ്ണം അടങ്ങിയ പാറകൾ (ചർക്ക സംഹിത ശിലാജിത്ത്) വെള്ളി അടങ്ങിയ പാറകൾ (രജത് ശിലാജിത്) ചെമ്പ് അടങ്ങിയ പാറകൾ (താമ്ര ശിലാജിത്ത്) ഇരുമ്പ് അടങ്ങിയ പാറകൾ (ലൗഹ ശിലാജിത്) എന്നിങ്ങനെ പലതരത്തിൽ ശിലാജിത്ത് കാണപ്പെടുന്നു. ശിലാജിത്തിന് വിവിധ പേരുകളുണ്ട്. പേർഷ്യക്കാർ ഇതിനെ ‘മമ്മി’ അല്ലെങ്കിൽ ‘മുമിയ’ എന്ന് വിളിച്ചിരുന്നു, ഈ ജൈവ ധാതുവിന് എല്ലാ രോഗങ്ങളും സുഖപ്പെടുത്താനും ഒടിഞ്ഞ അസ്ഥികൾ പോലും സുഖപ്പെടുത്താനും കഴിയുമെന്ന് അവർ വിശ്വസിച്ചു. പാകിസ്താൻകാർ ഇതിനെ ‘സലാജീത്’ എന്നും വിളിക്കുന്നു.
മിനറൽ പിച്ച് എന്നറിയപ്പെടുന്ന ഷിലാജിറ്റിൽ ഫുൾവിക് ആസിഡും മറ്റ് നിരവധി ധാതുക്കളും കാണാം.ധാരാളം ബയോ-ആക്ടീവ് ഫുൾവിക് & ഹ്യൂമിക് ആസിഡും ഇതിൽ കണ്ടെത്താൻ കഴിയും.ഒരു പൊടിയുടെയോ സപ്ലിമെന്റിന്റെയോ രൂപത്തിൽ ഇത് കഴിക്കുന്നത് പ്രത്യുൽപാദനക്ഷമതയെ പ്രോത്സാഹിപ്പിക്കുകയും പ്രായമാകൽ പ്രക്രിയ വൈകിപ്പിക്കുകയുംആളുകൾ പലപ്പോഴും ശ്വാസകോശത്തിലെ നീർക്കെട്ട്, അതായത് ഉയർന്ന ഉയരത്തിലുള്ള സെറിബ്രൽ എഡിമ, അതായത് തലച്ചോറിലെ വീക്കം, മലബന്ധം, ടിഷ്യൂകളിലെ ഓക്‌സിജന്റെ അഭാവം, വിശപ്പില്ലായ്മ, അലസത, മാനസിക വിഷാദം, ഉറക്കമില്ലായ്മയും. പോലുള്ള പ്രശ്‌നങ്ങൾക്കെല്ലാം, ശിലാജിത്തിന്റെഔഷധ ഗുണങ്ങൾ ഉപയോഗിക്കുന്നു. ഇതിൽ അടങ്ങിയിരിക്കുന്ന ഫുൾവിക് ആസിഡ് നമ്മുടെ ശരീരത്തിലെ ഊർജ്ജ ഉൽപാദനത്തെ ഉത്തേജിപ്പിക്കുകയും രക്ത രൂപീകരണത്തിന് സഹായിക്കുകയും ഹൈപ്പോക്‌സിയ തടയുകയും ചെയ്യുന്നു, അതായത് ശരീരത്തിലെ എല്ലാ ടിഷ്യൂകളിലേക്കും ഓക്‌സിജനെ എത്തിക്കാൻ സഹായിക്കുന്നു. ആളുകൾക്ക് അവരുടെ അലസത, വിട്ടുമാറാത്ത ക്ഷീണം, ശരീരത്തിലെ നിരന്തരമായ ക്ഷീണം എന്നിവ എളുപ്പത്തിൽ മറികടക്കാൻ കഴിയും.
ശിലാജിത്ത് ശരീരത്തിന് ശാരീരികവും വൈകാരികവുമായ സമ്മർദ്ദത്തെ നേരിടാൻ സഹായിക്കുന്ന ഒരു ശക്തമായ അഡാപ്‌റ്റോജനാണ്. ഇത് ബീജങ്ങളുടെ എണ്ണം വർദ്ധിപ്പിക്കുകയും ടെസ്റ്റോസ്റ്റിറോൺ, സ്റ്റാമിന എന്നിവ വർദ്ധിപ്പിക്കുകയും പ്രത്യുൽപാദന ആരോഗ്യം മെച്ചപ്പെടുത്തുകയും ചെയ്യുന്നുവെന്ന് പഠനങ്ങൾ കാണിക്കുന്നു.ശിലാജിത്ത് ശരീരത്തിന് ശാരീരികവും വൈകാരികവുമായ സമ്മർദ്ദത്തെ നേരിടാൻ സഹായിക്കുന്ന ഒരു ശക്തമായ അഡാപ്‌റ്റോജനാണ്. ഇത് ബീജങ്ങളുടെ എണ്ണം വർദ്ധിപ്പിക്കുകയും ടെസ്റ്റോസ്റ്റിറോൺ, സ്റ്റാമിന എന്നിവ വർദ്ധിപ്പിക്കുകയും പ്രത്യുൽപാദന ആരോഗ്യം മെച്ചപ്പെടുത്തുകയും ചെയ്യുന്നുവെന്ന് പഠനങ്ങൾ കാണിക്കുന്നു.
