ന്യൂഡൽഹി: ഇന്ത്യയുടെ വളർച്ച തടയാൻ ചൈനയും പാകിസ്ഥാനും കൈകോർക്കുന്നുവെന്ന്അമേരിക്കൻ കോൺഗ്രസ് സമിതിയുടെ നിർണ്ണായക റിപ്പോർട്ട്. ‘ഓപ്പറേഷൻ സിന്ദൂർ’ (Operation Sindoor) സമയത്ത് പാകിസ്ഥാന് ചൈന നൽകിയ സൈനിക പിന്തുണ ഇന്ത്യയെസമ്മർദ്ദത്തിലാക്കാനുള്ള വലിയൊരു തന്ത്രത്തിന്റെ ഭാഗമായിരുന്നുവെന്ന് റിപ്പോർട്ട് ചൂണ്ടിക്കാട്ടുന്നു. ‘യുഎസ്-ചൈന ഇക്കണോമിക് ആൻഡ് സെക്യൂരിറ്റി റിവ്യൂ കമ്മീഷന്റെ’ (USCC) 2026-ലെവാർഷിക റിപ്പോർട്ടിലാണ് ചൈനയുടെ ഇരട്ടത്താപ്പ് വ്യക്തമാക്കുന്ന ഞെട്ടിക്കുന്ന വിവരങ്ങളുള്ളത്.
‘ചൈനീസ് അദർ ഫ്രണ്ട്: ഇന്ത്യ ആൻഡ് ദി ഫ്യൂച്ചർ ഓഫ് യുഎസ് സ്ട്രാറ്റജി ഇൻ ദിഇൻഡോ-പസഫിക്’ (China’s Other Front: India and the Future of US Strategy in the Indo-Pacific) എന്ന പേരിലാണ് റിപ്പോർട്ട് പുറത്തിറക്കിയിരിക്കുന്നത്. അതിർത്തി പ്രദേശങ്ങളിൽസൈനിക സമ്മർദ്ദം ചെലുത്തുന്നതിനൊപ്പം വ്യാവസായിക മേഖലയിലേക്കുള്ള അസംസ്കൃതവസ്തുക്കളുടെ വിതരണം തടസ്സപ്പെടുത്തിയും ഇന്ത്യയെ സാമ്പത്തികമായും തന്ത്രപരമായുംതളർത്താനാണ് ബെയ്ജിംഗ് ശ്രമിക്കുന്നത്.
അമേരിക്കൻ സഖ്യകക്ഷികൾക്ക് പുറത്ത് ചൈനയോട് കിടപിടിക്കാൻ ശേഷിയുള്ള ചുരുക്കം ചിലരാജ്യങ്ങളിൽ ഒന്നാണ് ഇന്ത്യയെന്ന് യുഎസ് സമിതി വിലയിരുത്തുന്നു. ഏഷ്യയിലെ അധികാരസന്തുലിതാവസ്ഥ നിലനിർത്തുന്നതിൽ ശക്തമായ ഒരു ഇന്ത്യ അമേരിക്കയ്ക്ക് അനിവാര്യമാണ്. കൂടാതെ, ആഗോളതലത്തിൽ ചൈനയുടെ ഉൽപ്പാദന-വിതരണ ശൃംഖലകൾക്ക് (Supply and Manufacturing Chains) പകരമായി വളർന്നുവരാൻ സാധിക്കുന്ന ഏറ്റവും പ്രധാനപ്പെട്ട ബദൽശക്തിയാണ് ഇന്ത്യയെന്നും റിപ്പോർട്ട് അടിവരയിടുന്നു.
പാകിസ്ഥാനുമായുള്ള ചൈനയുടെ വർദ്ധിച്ചുവരുന്ന പ്രതിരോധ-സൈനിക ബന്ധം ഇന്ത്യയുടെസുരക്ഷയ്ക്ക് വലിയ വെല്ലുവിളിയാണ് ഉയർത്തുന്നത്. അതിർത്തിയിലെ പ്രകോപനങ്ങളുംപാകിസ്ഥാനെ മുൻനിർത്തിയുള്ള നിഴൽയുദ്ധ തന്ത്രങ്ങളും വഴി ഇന്ത്യയുടെ ശ്രദ്ധ തിരിക്കാനുംവികസന കുതിപ്പിന് തടയിടാനുമാണ് ചൈന ലക്ഷ്യമിടുന്നത്. ഈ സാഹചര്യത്തിൽഇൻഡോ-പസഫിക് മേഖലയിൽ ഇന്ത്യയുമായുള്ള തന്ത്രപരമായ പങ്കാളിത്തം അമേരിക്ക കൂടുതൽശക്തമാക്കണമെന്നും റിപ്പോർട്ട് ശുപാർശ ചെയ്യുന്നു.








