തിരുവനന്തപുരം: ഈ തിരഞ്ഞെടുപ്പില്‍ ബി.ജെ.പിയാണ് പ്രധാന എതിരാളിയെന്ന് മുതിര്‍ന്ന കോണ്‍ഗ്രസ് നേതാവ് എ.കെ ആന്റണി. ബി.ജെ.പിയുടെ സാന്നിധ്യമില്ലാത്ത നിയമസഭയാണ് ലക്ഷ്യമെന്നും അദ്ദേഹം പറഞ്ഞു. തിരുവനന്തപുരം പ്രസ് ക്ലബിന്റെ തിരഞ്ഞെടുപ്പ് പരിപാടിയില്‍ പങ്കെടുത്ത് സംസാരിക്കുകയായിരുന്നു അദ്ദേഹം.
ബി.ജെ.പി അക്കൗണ്ട് തുറന്നാല്‍ കേരളത്തിലെ മതസൗഹാര്‍ദ അന്തരീക്ഷം തകരും.
മതനിരപേക്ഷത കണ്ണിലെ കൃഷ്ണമണിപോലെ സൂക്ഷിക്കണം. വര്‍ഗീയ ശക്തികളെ കോണ്‍ഗ്രസ് കൂട്ടുപിടിച്ചിട്ടില്ല. സിപിഎമ്മിന്റെ ആരോപണം പത്ത് വോട്ട് കൂടുതല്‍ നേടാനാണ്. സിപിഎമ്മിന്റെ വികസനം നയം 25 വര്‍ഷം പിന്നിലാണെന്നും ആന്റണി കൂട്ടിച്ചേര്‍ത്തു.
Discussion about this post