തിരുവനന്തപുരം: മുതിര്‍ന്ന കോണ്‍ഗ്രസ് നേതാവ് എ.കെ. ആന്റണിക്കെതിരെ ബിജെപി കേന്ദ്ര തെരഞ്ഞെടുപ്പ് കമ്മിഷന് പരാതി നല്‍കി. കേരളത്തില്‍ ബിജെപി ജയിച്ചാല്‍ സാമുദായിക ഐക്യം തകരുമെന്ന ആന്റണിയുടെ പ്രസ്താവയ്‌ക്കെതിരെയാണ് പരാതി. സംസ്ഥാന അധ്യക്ഷന്‍ കുമ്മനം രാജശേഖരനാണ് പരാതി നല്‍കിയിരിക്കുന്നത്.
തിരുവനന്തപുരം പ്രസ്‌ക്ലബില്‍ നടന്ന മുഖാമുഖം പരിപാടിയിലായിരുന്നു ആന്റണിയുടെ വിവാദ പരാമര്‍ശം. ബിജെപി സാന്നിധ്യമില്ലാത്ത നിയമസഭയാണ് കേരളത്തില്‍ യുഡിഎഫ് ലക്ഷ്യമിടുന്നത്. ബിജെപി അക്കൗണ്ട് തുറന്നാല്‍ മതസൗഹാര്‍ദം തകരും. മതനിരപേക്ഷത കണ്ണിലെ കൃഷ്മണിപോലെ സൂക്ഷിക്കേണ്ടതാണെന്നുമായിരുന്നു അദ്ദേഹം പറഞ്ഞത്.
Discussion about this post