പുതിയ 2000 രൂപ നോട്ടിന്റെ വ്യാജന്‍ ഇറങ്ങിയെന്ന് വാര്‍ത്തകളും വന്നു തുടങ്ങി .ഈ സാഹചര്യത്തില്‍ കയ്യില്‍ കിട്ടിയ പുത്തന്‍ 2000 രൂപ നോട്ട് വ്യാജനല്ലെന്ന് എങ്ങനെ തിരിച്ചറിയാം?
1. നോട്ടിന്റെ ഇടത് വശത്ത് ഏഴ് തടിച്ച വരകള്‍
2. മഹാത്മാഗാന്ധിയുടെ ചിത്രത്തിലെ കണ്ണടയ്ക്കുള്ളില്‍ ആര്‍ബിഐ എന്ന് പ്രിന്റ് ചെയ്തിരിക്കുന്നു. ഭൂതക്കണ്ണാടി ഉപയോഗിച്ച് നോക്കിയാല്‍ ഇത് വ്യക്തമായി കാണാം.
3. നോട്ടിന് നടുവിലായി പച്ചനിറത്തിലുള്ള തടിച്ച സെക്യൂരിറ്റി ത്രെഡ്. ഇതില്‍ ഭാരത്(ഹിന്ദിയില്‍), ആര്‍ബിഐ, 2000 എന്ന് മുദ്രണം. നോട്ട് ചരിക്കുന്നതിന് അനുസരിച്ച് ഈ വരയുടെ നിറം മാറുന്നു.
4. വലത് വശത്ത് അശോകസ്തംഭത്തിന് മുകളില്‍ ചെറിയ ദീര്‍ഘചതുരത്തില്‍ 2000 രൂപയെന്ന് പ്രിന്റ് ചെയ്തിരിക്കുന്നു. ഇത് തടവി നോക്കിയാല്‍ അറിയാം.
5. നോട്ടിന്റെ ഇടത് വശത്ത് താഴെയുള്ള സുതാര്യമായ സ്ഥലം വെളിച്ചത്തിന് എതിരായി പിടിച്ചാല്‍ 2000 എന്ന് എഴുതിയിരിക്കുന്നത് കാണാം.
6. ഇടത് വശത്ത് അതാര്യമായ ദീര്‍ഘചതുരം 45 ഡിഗ്രിയില്‍ നോക്കിയാല്‍ 2000 എന്ന് കാണാം.
7. വലത് വശത്ത് ഗാന്ധിയുടെ ചിത്രത്തിന്റെ വാട്ടര്‍മാര്‍ക്കും 2000 എന്നതിന്റെ വാട്ടര്‍മാര്‍ക്കും.
8. നോട്ടിന്റെ വലത് വശത്ത് താഴെ സീരീസ് നമ്പര്‍ പ്രിന്റ് ചെയ്തിരിക്കുന്ന് ചെറിയ ഫോണ്ട് വലിപ്പത്തില്‍ നിന്ന് വലുതിലേക്ക്
ഒപ്പം ഈ നുണകളും വിശ്വസിക്കാതിരിക്കുക
• പുതിയ നോട്ടിനുള്ളില്‍ നാനോ ജിപിഎസ് ചിപ് ഉണ്ടെന്നത് വെറും നുണയാണ്. ഓരോ നോട്ടും ട്രാക്ക് ചെയ്യാനുള്ള ഒരു സംവിധാനവും പുതിയ നോട്ടുകളില്‍ ഇല്ല.
• പുതിയ നോട്ടുകളില്‍ ചിലതിന് അല്‍പ്പം നിറം നഷ്ടപ്പെടുന്നത് ശ്രദ്ധയില്‍പ്പെട്ടിട്ടുണ്ട്. പക്ഷേ, അതിനര്‍ഥം ഇത് വ്യാജമാണെന്നല്ല. നോട്ട് കഴുകുമ്പോള്‍ നിറം നഷ്ടപ്പെടാത്തത് വ്യാജ നോട്ടാണെന്നും അര്‍ഥമില്ല.
• പുതിയ നോട്ടുകളില്‍ എഴുതുന്നത് നോട്ടുകള്‍ അസാധുവാക്കില്ല. നോട്ടുകളില്‍ എഴുതുന്നത് നല്ല ശീലമല്ല. എങ്കിലും എന്തെങ്കിലും കുത്തിക്കുറിച്ച രീതിയില്‍ നിങ്ങള്‍ക്ക് കിട്ടുന്ന നോട്ടുകള്‍ സ്വീകരിക്കില്ലെന്ന് പറയാന്‍ ആര്‍ക്കും അവകാശമില്ല.
Discussion about this post