മലപ്പുറം: മാപ്പിളപ്പാട്ടു ഗായകന് വിഎം കുട്ടി (86) അന്തരിച്ചു. ഹൃദയസംബന്ധമായ അസുഖത്തെ തുടര്ന്ന് ഏറെനാളായി ചികിത്സയിലായിരുന്നു. ബുധനാഴ്ച പുലര്ച്ചെയോടെ കോഴിക്കോട്ടെ സ്വകാര്യ ആശുപത്രിയിലാണ് അന്ത്യം.
മാപ്പിളപ്പാട്ടിൽ പുതിയ പരിക്ഷണങ്ങൾ കൊണ്ട് വന്ന് ജനകീയമാക്കി. 7 സിനിമകളിൽ പാടിയിട്ടുണ്ട്. ഉൽപ്പത്തി, പതിനാലാംരാവ്,പരദേശി എന്നീ സിനികളിൽ അഭിനയിച്ചു. മൂന്ന് സിനിമകൾക്കായി ഒപ്പന സംവിധാനം ചെയ്തു. ‘മാർക് ആന്റണി’ എന്ന സിനിമയ്ക്കായി വി.എം കുട്ടി പാട്ടെഴുതിയിട്ടുണ്ട്.
ആയിരക്കണക്കിന് മാപ്പിളപ്പാട്ടുകള്ക്ക് ശബ്ദവും സംഗീതവും നല്കിയ വിഎം കുട്ടി മികച്ച ഗാനരചയിതാവ് കൂടിയാണ്. 1921 അടക്കം നിരവധി സിനിമകളിലും അദ്ദേഹം ഗാനങ്ങള് എഴുതി. മാപ്പിളപ്പാട്ടിന്റെ ലോകം, ബഷീര് മാല, ഭക്തി ഗീതങ്ങള്, മാനവമൈത്രി ഗാനങ്ങള്, കുരുതികുഞ്ഞ് എന്നിവയാണ് പ്രധാന കൃതികള്.
സംഗീത നാടക അക്കാദമി പുരസ്കാര ജേതാവാണ്. ഇന്സ്റ്റിറ്റ്യൂട്ട് ഓഫ് മാപ്പിള സ്റ്റഡീസ് അവാര്ഡ്, സിഎച്ച് കള്ച്ചറല് സെന്ട്രല് അവാര്ഡ്, ഇന്തോ-അറബ് കള്ച്ചറല് സെന്റര് ഒരുമ അവാര്ഡ് തുടങ്ങിയ നിരവധി അംഗീകാരങ്ങളും വിഎം കുട്ടിക്ക് കിട്ടിയിട്ടുണ്ട്. കേരള സാഹിത്യ നാടക അക്കാദമി അംഗമായി പ്രവര്ത്തിച്ചു. ഇന്സ്റ്റിറ്റ്യൂട്ട് ഓഫ് മാപ്പിള സ്റ്റഡീസ് സെക്രട്ടറി, ഇന്തോ-അറബ് കള്ച്ചറല് സൊസൈറ്റി രക്ഷാധികാരി തുടങ്ങി നിരവധി സ്ഥാനങ്ങളിലും പ്രവര്ത്തിച്ചിട്ടുണ്ട്.












