അങ്കമാലി : നടൻ ചെമ്പൻ വിനോദ് ജോസിന്റെ പിതാവ് മാളിയേക്കൽ ചെമ്പൻ ജോസ് അന്തരിച്ചു. സംസ്കാരം നവംബർ 13ന് വൈകിട്ട് നാല് മണിക്ക് അങ്കമാലി ബസിലിക്കയിൽ വച്ച് നടക്കും. ഭാര്യ: ആന്നിസ്. മക്കൾ: ചെമ്പൻ വിനോദ് ജോസ്, ഉല്ലാസ് ജോസ്, ദീപ ജോസ്.
2010-ൽ ലിജോ ജോസ് പെല്ലിശ്ശേരി സംവിധാനം ചെയ്ത നായകൻ എന്ന സിനിമയിലൂടെയാണ് ചെമ്പൻ വിനോദ് അഭിനയരംഗത്തേക്ക് എത്തുന്നത്. ആമേൻ, ടമാർ പഠാർ, സപ്തമശ്രീ തസ്കര എന്നീ ചിത്രങ്ങളിലൂടെ അദ്ദേഹം ശ്രദ്ധേയനായി. 2017ൽ അങ്കമാലി ഡയറീസ് എന്ന സിനിമയിലൂടെ തിരക്കഥാകൃത്തുമായി. 2018ൽ ഗോലിസോഡ 2 വിലൂടെ തമിഴിലും അഭിനയത്തിൽ അരങ്ങേറ്റം നടത്തി. ചുരുളി, ഭീമന്റെ വഴി തുടങ്ങിയ സിനിമകളാണ് അദ്ദേഹത്തിന്റേതെയി അണിയറയിൽ ഒരുങ്ങുന്നത്. കമൽ ഹാസൻ നായകനാകുന്ന വിക്രമിലും നടൻ ശ്രദ്ധേയമായ വേഷത്തിൽ എത്തുന്നുണ്ട്.
