പെരുമ്പാവൂർ: വീട്ടുമുറ്റത്തെ കിണറിന്റെ വക്കത്തിരുന്ന് ഭാര്യയുമായി ഫോൺ സംസാരിച്ച് കൊണ്ടിരുന്ന യുവാവ് കിണറിൽ വീണ് മരിച്ചു. ഐമുറി മദ്രാസ് കവല വാഴയിൽ വീട്ടിൽ മനീഷാണ്(മനു-35) മരിച്ചാണ്. വെള്ളിയാഴ്ച രാത്രി ഒൻപത് മണിയോടെയായിരുന്നു സംഭവം.
മനേഷിന്റെ ഭാര്യ കവിതമോൾ കഴിഞ്ഞ ഒരാഴ്ചയായി സ്വന്തം വീട്ടിലായിരുന്നു. രാത്രി ഇരുവരും ഫോണിൽ സംസാരിച്ചു കൊണ്ടിരിക്കുന്നതിനിടെ പെട്ടന്ന് ഫോൺ നിലച്ചു. പല പ്രാവശ്യം വിളിച്ചിട്ടും കിട്ടാതായതോടെ ഭാര്യ അയൽവാസികളെ വിവരം അറിയിച്ചു.
ഇവർ നടത്തിയ അന്വേഷണത്തിലാണ് മനേഷിനെ കിണറിൽ വീണ് മരിച്ച നിലയിൽ കണ്ടെത്തിയത്. ആലുവ-കോതമംഗലം റൂട്ടിലോടുന്ന യാത്രാസ് ബസിലെ ഡ്രൈവറാണ്. മകൾ: ആയില്യ.











