ഒറ്റപ്പാലം: പ്രസംഗത്തിനിടെ കുഴഞ്ഞുവീണ് ബിജെപി നഗരസഭാ കൗൺസിലർ അന്തരിച്ചു. അഡ്വ. കെ കൃഷ്ണകുമാർ ആണ് അന്തരിച്ചത്. ഒറ്റപ്പാലം നഗരസഭ ഏഴാം വാർഡ് (പാലാട്ട് റോഡ് വാർഡ്)കൗൺസിലർ ആയിരുന്നു.
ആദ്ധ്യാത്മിക പരിപാടി ഉദ്ഘാടനം ചെയ്യുന്നതിനിടെയാണ് കൃഷ്ണകുമാറിന് ദേഹാസ്വാസ്ഥ്യം അനുഭവപ്പെട്ടത്. ഒറ്റപ്പാലം മനയ്ക്കമ്പാട്ട് കമ്മളളി കണ്ണഞ്ചേരി കുടുംബാംഗമാണ്. ആർഎസ്എസിന്റെയും ബിജെപിയുടെയും വിവിധ ചുമതലകൾ വഹിച്ചിട്ടുണ്ട്.
പ്രമുഖ അഭിഭാഷകനും സാമൂഹ്യസാസ്കാരിക രംഗത്തെ നിറസാന്നിധ്യവുമായിരുന്നു കൃഷ്ണകുമാർ എന്ന് ബിജെപി സംസ്ഥാന അദ്ധ്യക്ഷൻ കെ സുരേന്ദ്രൻ അനുസ്മരിച്ചു. വേർപാടിൽ അഗാധമായ ദുഖവും അദ്ദേഹം രേഖപ്പെടുത്തി.
ബിജെപി സംസ്ഥാന ജനറൽ സെക്രട്ടറി സി കൃഷ്ണകുമാർ, യുവമോർച്ച പാലക്കാട് ജില്ലാ അധ്യക്ഷൻ പ്രശാന്ത് ശിവൻ തുടങ്ങിയവരും ആദരാഞ്ജലി നേർന്നു.












