അരിഭക്ഷണമില്ലാതെ ജീവിക്കാനാവാത്തവരാണ് നമ്മൾ മലയാളികൾ. എന്നാൽ ഒരു സംശയം. അരി നോൺവെജാണോ വെജിറ്റേറിയൻ ഭക്ഷണമാണോ/ എന്താണിത്ര സംശയം വെജ്. എന്നാൽ ഇനി അരി വാങ്ങും മുൻപ് ഇത് ഉറപ്പ് വരുത്തേണ്ടി വരും. കാരമം ഹൈബ്രിഡ് നോൺ റൈസ് വികസിപ്പിച്ചെടുത്തിരിക്കുകയാണ് ദക്ഷിണ കൊറിയൻ ഗവേഷകർ. ഇതൊരു സെൽ കൾച്ചേർഡ് പ്രോട്ടീൻ റൈസാണ്. ഈ അരിയിൽ നിന്നും നമുക്ക് ആവശ്യമായ പോഷകങ്ങൾ ലഭിക്കും. കന്നുകാലി പേശികളും കൊഴുപ്പ് കോശങ്ങളും ഉപയോഗിച്ച് ലാബിൽ വികസിപ്പിച്ചെടുത്തതാണ് ഈ അരി. ഉയർന്ന പോഷകമൂല്യമുള്ള ഭക്ഷണമാണ് ഈ നോൺ വെജിറ്റേറിയൻ അരിയെന്ന് ശാസ്ത്രജ്ഞർ പറയുന്നു.
ഭാവിയിൽ മാംസാഹാരം നിർമ്മിക്കുന്നതിനേക്കാൾ ചെലവ് കുറച്ച് നമുക്ക് നിർമ്മിച്ചെടുക്കാം. പിങ്ക് നിറമുള്ള റൈസിന് സാധാരണ അരിയേക്കാൾ കട്ടിയുണ്ട്. ഈ ഹൈബ്രിഡ് അരി മികച്ച പ്രോട്ടീൻ ഉറവിടവും അതോടൊപ്പം പരിസ്ഥിതി സൗഹാർദ്ദവുമായ ഒന്നാണ്. ഈ പരീക്ഷണം വിജയിച്ചാൽ കൂടുതലായി ഉത്പാദിക്കാനും അതുവഴി ഭക്ഷ്യപ്രതിസന്ധി പ്രശ്നങ്ങൾക്ക് പരിഹാരം കാണാനും സാധിക്കും.
മാംസകോശങ്ങൾ അരിയിൽ വളർത്തിയെടുത്താണ് ഈ അരി വികസിപ്പിച്ചെടുത്തത്. പരമ്പരാഗത ധാന്യങ്ങളേക്കാൾ വ്യത്യസ്തഘടനയും രുചിയുമാണ് ഇതിനുള്ളത്. എന്നാൽ ഉടനെയൊന്നും ഈ അരി വിപണിയിലെത്തില്ല. കൂടുതൽ പരീക്ഷണങ്ങൾക്ക് ശേഷമേ അരി വ്യാവസായികാടിസ്ഥാനത്തിൽ വികസിപ്പിച്ച് എത്തിക്കാൻ കഴിയൂ.
