ഈരാറ്റുപേട്ടയിൽ ക്രിസ്ത്യൻ പുരോഹിതനെ കാർ കയറ്റി കൊല്ലാൻ ശ്രമിച്ചത് മുസ്‌ലിം വിദ്യാർത്ഥികൾ മാത്രം, കാണിച്ചത് തെമ്മാടിത്തരം – മുഖ്യമന്ത്രി
ഈരാറ്റുപേട്ട: ഈരാറ്റുപേട്ടയിൽ മുസ്‌ലിം വിദ്യാർത്ഥികൾ ക്രിസ്ത്യൻ പുരോഹിതനെതിരെ കാണിച്ചത് തെമ്മാടിത്തരം എന്ന് തുറന്ന് പറഞ്ഞ് മുഖ്യമന്ത്രി പിണറായി വിജയൻ. ന്യൂനപക്ഷ നേതാക്കൾ മുഖ്യമന്ത്രിയുമായി നടത്തിയ മുഖാ മുഖം പരിപാടിയിലാണ് മുഖ്യമന്ത്രി ഈരാറ്റുപേട്ട വിഷയത്തിൽ തുറന്നടിച്ചത്. ആ വിദ്യാർത്ഥി സംഘത്തിൽ മുസ്‌ലിം വിദ്യാർത്ഥികൾ മാത്രമാണുണ്ടായിരുന്നത് അല്ലാതെ പോലീസ് ഒരു വിഭാഗത്തിൽ പെട്ടവരെ മാത്രം തിരഞ്ഞു പിടിച്ചതല്ല. ഹുസൈൻ മടവൂരിനെ പോലെയുള്ളവർ തെറ്റായ ധാരണ വച്ചു പുലർത്തരുതെന്നും അദ്ദേഹം പറഞ്ഞു
ക്രിസ്ത്യൻ പുരോഹിതനെ കാറ് കയറ്റി കൊല്ലാൻ ശ്രമിച്ചു പക്ഷെ അദ്ദേഹം ഭാഗ്യത്തിന് രക്ഷപെട്ടു എന്ത് തെമ്മാടിത്തരം ആണ് അവർ കാണിച്ചത് ? മുഖ്യമന്ത്രി ചോദിച്ചു. പോലീസിന്റെ ഭാഗത്ത് തെറ്റുകൾ ഉണ്ടാകാം. ശ്രദ്ധയിൽ പെടുത്തിയാൽ തിരുത്തുന്നതിന് വിഷമമില്ലഎം എന്നാൽ ഇത് അങ്ങനെയല്ല. പുരോഹിതന്റെ നേരെ വണ്ടി ഓടിച്ചു കയറ്റിയത് മുസ്‌ലിം വിഭാഗത്തിൽ പെട്ട വിദ്യാർത്ഥികൾ മാത്രമാണ്. വിദ്യാർത്ഥി സെറ്റ് എന്ന് പറയുമ്പോൾ അതിൽ എല്ലാവരും ഉണ്ടാകും എന്ന ധാരണയല്ലേ വരുക, എന്നാൽ അങ്ങനെയല്ല. ഹുസൈൻ മടവൂരിനെ പോലെ വലിയ സ്ഥാനങ്ങളിൽ ഇരിക്കുന്നവർ തെറ്റായ പ്രചാരണത്തിന് ഇറങ്ങരുത് മുഖ്യമന്ത്രി കൂട്ടിച്ചേർത്തു.
പൂഞ്ഞാറിൽ ക്രിസ്ത്യൻ പുരോഹിതനെ കാർ ഇടിച്ച സംഭവത്തിൽ 10 പ്രായപൂർത്തിയാകാത്ത വിദ്യാർത്ഥികളടക്കം 27 വിദ്യാർത്ഥികളെ നേരത്തെ കേരള പോലീസ് അറസ്റ്റ് ചെയ്തിരുന്നു . ഫെബ്രുവരി 24 ശനിയാഴ്ച പൂഞ്ഞാറിലെ സെൻ്റ് മേരീസ് ഫൊറോന പള്ളിയിലാണ് സംഭവം നടന്നത്. അനധികൃതമായി പള്ളി കോമ്പൗണ്ടിലേക്ക് കടന്ന് അപ്പോൾ നടന്നു കൊണ്ടിരുന്ന ആരാധന തടസ്സപ്പെടുന്ന വിധത്തിൽ ശബ്ദം ഉണ്ടാക്കിയ സ്‌കൂൾ വിദ്യാർത്ഥികളോട് കാറുകളും മോട്ടോർ ബൈക്കുകളും സഹിതം പരിസരം വിടാൻ ആവശ്യപ്പെട്ടതിനെ തുടർന്ന് പൂഞ്ഞാർ പള്ളി അസിസ്റ്റൻ്റ് വികാരി ഫാ. ജോസഫ് ആറ്റുചാലിലിനെ വിദ്യാർത്ഥികൾ കാർ ഇടിച്ചു തെറിപ്പിക്കുകയായിരുന്നു.
സംഭവദിവസം തന്നെ 10 വിദ്യാർത്ഥികളെയാണ് ആദ്യം അറസ്റ്റ് ചെയ്തത്. പിന്നീട് 17 പേർ കൂടി അറസ്റ്റിലായി. ഈരാറ്റുപേട്ട ഗവൺമെൻ്റ് ഹയർസെക്കൻഡറി സ്‌കൂളിലെ 12-ാം ക്ലാസ് വിദ്യാർത്ഥികളാണ് പ്രതികളായ 27 പേരും.
