പുതിയൊരു സംരംഭം തുടങ്ങിയതിനെ കുറിച്ച് സോഷ്യൽ മീഡിയയിൽ കഴിഞ്ഞ ദിവസമാണ് നടി നവ്യ നായർ വെളിപ്പെടുത്തിയത്. സാരികൾ താൻ ഒരിക്കൽ മാത്രം ഉടുത്തതോ വാങ്ങിയതിന് ശേഷം ഇതുവരെയും ഉടുക്കാത്തതുമായ സാരികൾ താരം വിൽക്കുന്നതിനായി താരം ഇൻസ്റ്റഗ്രാം പേജ് ആരംഭിച്ചിരുന്നു. ഇതിനെ കുറ്റപ്പെടുത്തി നിരവധി പേർ രംഗത്തെത്തിയിരുന്നു. എന്നാൽ ഇതിനുള്ള മറുപടിയായി എത്തിയിരിക്കുകയാണ് നവ്യ.
സാരികൾ വിറ്റ പണം നവ്യ എവിടെയും ധൂർത്തടിക്കാൻ കൊണ്ടുപോയിട്ടില്ല. ആ പണവും കൈയിലുള്ള പണവും ചേർത്ത് ഒട്ടനവധി സാധനങ്ങളുമായി താരം ഓടി എത്തിയത് പത്താനാപുരത്തെ ഗാന്ധിഭവനിലാണ്. കുടുംബത്തൊപ്പം കൈ നിറയെ സാധനങ്ങളുമായാണ് നവ്യ ഗാന്ധിഭവനിലെ അന്തേവാസികളെ കാണാൻ എത്തിയത്. സാരി വിറ്റ് ലഭിച്ച തുക നവ്യ ഗാന്ധിഭവനിലെ അഗതികൾക്കായി സമ്മാനിച്ചു. അന്തേവാസികൾക്ക് പുതുവസ്ത്രങ്ങളും മധുരവും ഗാന്ധിഭവൻ സ്‌പെഷ്യൽ സ്‌കൂളിന് ഒരു ലക്ഷം രൂപയും നവ്യ നൽകി.
താരത്തിന്റെ കൂടെ മകനും ഉണ്ടായിരുന്നു. അവൻ ഇങ്ങനെയുള്ള സ്ഥലങ്ങളിൽ പോയിട്ടില്ല. അവൻ ഇതൊക്കെ കണ്ടിരിക്കണം. ഇതെല്ലാം കണ്ട് മനസിലാക്കിയിരിക്കണമെന്ന് എനിക്ക് തോന്നി. അവനും ഇത്തരം സ്ഥലങ്ങളിൽ വരാൻ ഇഷ്ടമാണ്. നമുക്ക് എന്ത് കാര്യവും നമ്മുടെ കുട്ടിക്ക് മാത്രമേ കാണിച്ചുകൊടുക്കാൻ സാധിക്കൂ എന്നും താരം പറഞ്ഞു.
ഞാൻ സാരിയുടെ കാര്യം പറഞ്ഞപ്പോൾ ആദ്യം ചിന്തിച്ചത് ജനങ്ങളുടെ അഭിപ്രായം എന്തായിരിക്കും എന്നാണ്. ആദ്യം ചിലപ്പോൾ നല്ലത് പറയും. പിന്നെ അത് മാറ്റിപ്പറയുമായിരിക്കും. ഞാൻ അതേപ്പറ്റി ഒന്നും ആലോചിക്കുന്നില്ല. ഞാൻ ഇന്ന് ഇവിടെ കൊണ്ടുവന്ന സാധനങ്ങൾ എല്ലാം എന്നോടുള്ള ഇഷ്ടം കൊണ്ട് ജനങ്ങൾ സമ്മാനിച്ചതാണ്. ഇനിയും അതിൽ നിന്ന് എന്ത് കിട്ടിയാലും ഞാൻ ഇവിടെ കൊണ്ടുവരും – നവ്യ വ്യക്തമാക്കി
