മലപ്പുറം: ലൈസൻസ് ഇല്ലാത്തതിന്റെ പേരിൽ പിതാവ് കാറിന്റെ താക്കോൽ നൽകാത്തതിൽ പ്രകോപിതനായ മകൻ കാർ കത്തിച്ചു . മലപ്പുറം കൊണ്ടോട്ടിയിലാണ് സംഭവം. നീറ്റാണിമ്മൽ സ്വദേശി ഡാനിഷ് മിന്ഹാജ് ആണ് സ്വന്തം വീട്ടിലെ തന്നെ വാഹനം കത്തിച്ചത്. തുടർന്ന് യുവാവിനെ പൊലീസ് അറസ്റ്റ് ചെയ്തു. പിതാവിന്റെ പരാതിയിലാണ് പൊലീസ് പ്രതിയെ അറസ്റ്റ് ചെയ്തത്
ചൊവ്വാഴ്ച്ച വെെകിട്ടാണ് സംഭവം നടന്നത്. ഡാനിഷ് മിൻഹാജിന് ലെെസൻസ് ഇല്ലാത്തതിനാൽ പിതാവ് കാർ ഓടിക്കാൻ താക്കോൽ നൽകിയില്ല. ഇതിൽ പ്രകോപിതനായ യുവാവ് വീട്ടുപകരണങ്ങളും ഫർണിച്ചറുകളും തല്ലിത്തകർത്തു. ഇത് കൊണ്ടും ദേഷ്യം തീരാത്തതിനാൽ മുറ്റത്ത് നിർത്തിയിട്ട കാർ പെട്രോൾ ഒഴിച്ച് കത്തിക്കുകയായിരുന്നു. കാർ പൂർണമായും കത്തിനശിച്ചു.
