വ്യത്യസ്തമായ വിവാഹ തട്ടിപ്പുകളെക്കുറിച്ച് വാർത്തകൾ പുറത്ത് വരാറുണ്ട്. ഇപ്പോഴിതാ പുതിയൊരു തരം വിവാഹ തട്ടിപ്പിനെ കുറിച്ചാണ് റെഡ്ഡിറ്റിൽ ഒരു യുവാവ് തന്റെ അനുഭവം പങ്കുവച്ചിരിക്കുന്നത്. തനിക്ക് മുന്നിൽ പ്രായപൂർത്തിയാകാത്ത ഒരു കുട്ടിയുമായെത്തി വിവാഹത്തിനാണെന്ന് പറ‍ഞ്ഞ് 15000 രൂപ ചോദിച്ചെന്നാണ് യുവാവ് പറയുന്നത്.
പന്തികേട് തോന്നിയതിനാൽ
താൻ ഈ തട്ടിപ്പിൽ വീണില്ലെന്നു൦ എന്നാൽ പ്രായപൂർത്തിയാകാത്ത കുട്ടിയെ കൊണ്ടുനടന്ന് പണം ചോദിക്കുന്നതിനാൽ ഈ വിവരം പൊലീസിൽ അറിയിക്കണോ എന്നുമാണ് യുവാവ് റെഡ്ഡിറ്റിൽ ചോദിച്ചിരിക്കുന്നത്. കുട്ടിയുമായെത്തി പതിനായിരങ്ങൾ ആവശ്യപ്പെട്ടതിനാലാണ് തനിക്ക് ഇതിൽ സംശയം തോന്നിയതെന്നും യുവാവ് പറയുന്നുണ്ട്. “kvak95” എന്ന റെഡ്ഡിറ്റ് ഉപയോക്താവാണ് തനിക്കുണ്ടായ ഈ വിചിത്രമായ അനുഭവം പങ്കുവച്ചത്.
അദ്ദേഹം പറയുന്നത് ഇങ്ങനെ
ഒരു OTT പ്ലാറ്റ്‌ഫോമിൽ സിനിമ കണ്ടുകൊണ്ടിരിക്കുകയായിരുന്നു ഞാൻ അതിനിടയിൽ ചെറുതായിട്ട് ഒന്നു മയങ്ങിപോയി അപ്പോളാണ് വീട്ടിൽ കോളിംഗ് ബെല്ലും വാതിലിൽ തട്ടുന്ന ശബ്ദവും കേട്ടത്. വാതിൽ തുറന്നപ്പോൾ 40 വയസ് തോന്നിക്കുന്ന ഒരു സ്ത്രീയും പതിനഞ്ച് വയസിനുള്ളിൽ പ്രായം തോന്നിക്കുന്ന പെൺകുട്ടിയും വീട്ടിന്റെ മുന്നിൽ നിൽക്കുന്നതായാണ് കണ്ടത്.
ആ സ്ത്രീ 15 വയസ്സിൽ കൂടുതൽ പ്രായമില്ലാത്ത ഈ കുട്ടിയെ ചൂണ്ടിക്കാട്ടി ‘വിവാഹം??!!‘എന്നുച്ചത്തിൽ പറയുകയായിരുന്നു. കന്നഡ കേട്ടാൽ എനിക്കും മനസിലാകു൦ എന്നാൽ തിരികെ മറുപടി പറയാൻ ബുദ്ധിമുട്ടായിരുന്നു. മാത്രമല്ല, ഉറക്കച്ചടവ് കൂടി ഉണ്ടായിരുന്നതിനാൽ കാര്യങ്ങൾ മനസിലാക്കാൻ ബുദ്ധിമുട്ടി.
സംസാരിക്കുന്നത് തെലുങ്കാണെന്ന് അറിഞ്ഞതിന് ശേഷം, “തൻ്റെ മകളുടെ കല്യാണം അടുത്ത ഒരു ക്ഷേത്രത്തിൽ വെച്ച് കുറച്ച് സമയത്തിനുള്ളിൽ നടക്കാനിരിക്കുകയാണെന്നും അവർക്ക് വിവാഹച്ചെലവിനായി 15,000 രൂപ കുറവുണ്ടായെന്നും ഞാൻ അടിയന്തിരമായി സഹായിക്കണമെന്നുമാണ് അവർ പറഞ്ഞത്. ‘ഇല്ല!’ എന്ന് പറഞ്ഞതിന് ശേഷം ഞാൻ കതക് വലിച്ചടക്കുകയായിരുന്നു.’- യുവാവ് കുറിച്ചു.
‘
വിവാഹത്തിന്’ പണം ആവശ്യപ്പെടുന്ന ഒരു പുതിയ തട്ടിപ്പാണെന്ന് നിങ്ങൾ കരുതുന്നുണ്ടോ?“എന്നാണ് റെഡ്ഡിൽ കുറിപ്പ് പങ്കുവച്ചുകൊണ്ട് യുവാവ് ചോദിക്കുന്നത്. പെൺകുട്ടിക്ക് പ്രായപൂർത്തിയാകാത്തതിനാൽ, പരാതി കൊടുക്കണോ എന്നും ചോദിക്കുന്നുണ്ട്.
എന്നാൽ ഇതൊരു തട്ടിപ്പാണെന്നാണ് ഒരു ഉപയോക്താവ് കുറിച്ചത്. തന്റെ അടുക്കൽ ഇതുപോലെവ്യത്യസ്തമായ ആളുകൾ മൂന്ന് നാല് തവണ വന്നിട്ടുണ്ടെന്നാണ് മറ്റൊരാളുടെ അഭിപ്രായം.
