ന്യൂഡൽഹിയിലെ ഭാരത് മണ്ഡപത്തിൽ നടക്കുന്ന 45-ാമത് ഇന്ത്യ അന്താരാഷ്ട്ര വ്യാപാര മേളയിൽ തങ്ങളുടെ സമ്പന്നമായ ഗോത്രവർഗ്ഗ സംസ്കാരവും നാടൻ കലാരൂപങ്ങളും വികസന സാധ്യതകളും പ്രദർശിപ്പിച്ച് ഛത്തീസ്ഗഡ് സംസ്ഥാന ദിനം ആഘോഷിച്ചു. പരമ്പരാഗത നൃത്തങ്ങൾ, നാടൻ പാട്ടുകൾ, കരകൗശല വസ്തുക്കൾ എന്നിവ കാണികൾക്ക് മുന്നിൽ സംസ്ഥാനത്തിന്റെ സാംസ്കാരിക വൈവിധ്യം തുറന്നുകാട്ടി.
ഛത്തീസ്ഗഡ് ഗവർണർ രാമെൻ ദേക മുഖ്യാതിഥിയായ ചടങ്ങിൽ മുഖ്യമന്ത്രി വിഷ്ണു ദേവ് സായ് അധ്യക്ഷത വഹിച്ചു. ഉപമുഖ്യമന്ത്രിമാരായ അരുൺ സാവോ, വിജയ് ശർമ്മ എന്നിവരുൾപ്പെടെ മന്ത്രിസഭയിലെ പ്രമുഖ അംഗങ്ങളും പങ്കെടുത്തു. സംസ്ഥാന രൂപീകരണത്തിന് ശേഷം ഇതാദ്യമായാണ് ഇത്രയധികം മന്ത്രിസഭാംഗങ്ങൾക്കൊപ്പം താൻ അന്താരാഷ്ട്ര വ്യാപാര മേളയിൽ പങ്കെടുക്കുന്നതെന്ന് മുഖ്യമന്ത്രി വിഷ്ണു ദേവ് സായ് പറഞ്ഞു.
ഒരുകാലത്ത് നക്സലിസത്തിന്റെയും സുരക്ഷാ വെല്ലുവിളികളുടെയും പേരിൽ മാത്രം അറിയപ്പെട്ടിരുന്ന ബസ്തർ പോലുള്ള മേഖലകൾ ഇന്ന് ഗോത്രവർഗ്ഗ പൈതൃകം, നാടൻ പാരമ്പര്യങ്ങൾ, പ്രകൃതി സൗന്ദര്യം, വികസന സാധ്യതകൾ എന്നിവയുടെ പേരിലാണ് ശ്രദ്ധ നേടുന്നതെന്ന് അദ്ദേഹം വ്യക്തമാക്കി.
സംസ്ഥാനത്തിന്റെ പ്രകൃതിവിഭവങ്ങൾ, കാർഷിക കരുത്ത്, വ്യാവസായിക സാധ്യതകൾ എന്നിവ ഗവർണർ രാമെൻ ദേക എടുത്തുപറഞ്ഞു. ഉരുക്ക് , സിമന്റ്, ഊർജ്ജം, അലുമിനിയം, ഭക്ഷ്യ സംസ്കരണം, നിർമ്മാണ മേഖല എന്നിവയിൽ നിക്ഷേപകർക്ക് വലിയ അവസരങ്ങളുണ്ടെന്ന് അദ്ദേഹം ചൂണ്ടിക്കാട്ടി. നിക്ഷേപം പ്രോത്സാഹിപ്പിക്കാനും തൊഴിലവസരങ്ങൾ സൃഷ്ടിക്കാനും സംരംഭകത്വം വളർത്താനും ലക്ഷ്യമിടുന്ന സംസ്ഥാനത്തിന്റെ വ്യാവസായിക വികസന നയം 2024–30-നെക്കുറിച്ച് അദ്ദേഹം വിശദീകരിച്ചു.
കാർഷികാധിഷ്ഠിത വ്യവസായങ്ങളിലും ചെറുകിട വനവിഭവങ്ങളുടെ മൂല്യവർദ്ധിത സംസ്കരണത്തിലും നിക്ഷേപം നടത്താൻ ആഭ്യന്തര-അന്താരാഷ്ട്ര നിക്ഷേപകരെ അദ്ദേഹം ക്ഷണിച്ചു. യുവ സംരംഭകർ, വനിതാ സ്വയംസഹായ സംഘങ്ങൾ, പ്രാദേശിക കരകൗശല വിദഗ്ധർ എന്നിവർക്ക് ദേശീയ-അന്താരാഷ്ട്ര വിപണികളിലേക്ക് കടന്നുവരാൻ കൂടുതൽ അവസരങ്ങൾ ഒരുക്കണമെന്നും ഗവർണർ പറഞ്ഞു.
പരമ്പരാഗത വേഷവിധാനങ്ങളും ആഭരണങ്ങളും അണിഞ്ഞ കലാകാരന്മാർ മന്ദാർ, ധോൾ തുടങ്ങിയ തനത് വാദ്യോപകരണങ്ങളുടെ അകമ്പടിയോടെ അവതരിപ്പിച്ച നൃത്തരൂപങ്ങൾ ആഘോഷങ്ങളുടെ പ്രധാന ആകർഷണമായി. ബസ്തറിലെ ഗോത്രവർഗ്ഗ പാരമ്പര്യങ്ങൾ വിളിച്ചോതുന്ന നൃത്തം.,സംസ്ഥാനത്തെ നാടൻ വിശ്വാസങ്ങളുടെയും ആചാരങ്ങളുടെയും പ്രതിഫലനം.,കാർഷിക പാരമ്പര്യത്തെയും പ്രകൃതിയോടുള്ള ആദരവിനെയും ഉയർത്തിക്കാട്ടുന്ന നൃത്തം, ഛത്തീസ്ഗഡിന്റെ തനത് നാടോടി പൈതൃകം., സ്ത്രീകളുടെ കൂട്ടായ സാംസ്കാരിക പാരമ്പര്യം അവതരിപ്പിക്കുന്ന നൃത്തം എന്നിവ മുഖ്യ ആകർഷകങ്ങളായിരുന്നു.
സത്നാമി സമുദായത്തിന്റെ ആത്മീയ പൈതൃകം പ്രതിഫലിപ്പിക്കുന്ന കലാരൂപം. പ്രകൃതിയും സാമൂഹിക ജീവിതവും തമ്മിലുള്ള അടുത്ത ബന്ധം ആഘോഷിക്കുന്ന നൃത്ത എന്നിവയും അരങ്ങേറി. ചടങ്ങിന് മുന്നോടിയായി മുഖ്യമന്ത്രി വിഷ്ണു ദേവ് സായ് വ്യാപാര മേളയിലെ ഛത്തീസ്ഗഡ് പവലിയൻ സന്ദർശിച്ചു. ബസ്തറിലെ പരമ്പരാഗത ബെൽ-മെറ്റൽ രകൗശല വസ്തുക്കൾ, ചമ്പയിലെ കോസ സിൽക്ക്, ഗോത്രവർഗ്ഗ ആഭരണങ്ങൾ, കൈത്തറി ഉൽപ്പന്നങ്ങൾ, വനവിഭവങ്ങളിൽ നിന്നുള്ള ഉൽപ്പന്നങ്ങൾ, ചെറുധാന്യങ്ങളായ കോഡോ, കുട്കി, റാഗി എന്നിവയിൽ നിന്നുള്ള ഉൽപ്പന്നങ്ങൾ തുടങ്ങിയവ അദ്ദേഹം വിലയിരുത്തി.
ബസ്തറിലെ ചിത്രകൂട് വെള്ളച്ചാട്ടത്തിന്റെ 3D വിർച്വൽ റിയാലിറ്റി അനുഭവമായിരുന്നു പവലിയനിലെ പ്രധാന ആകർഷണം. വിനോദസഞ്ചാര കേന്ദ്രങ്ങളെ ലോകത്തിന് മുന്നിൽ പരിചയപ്പെടുത്താൻ ആധുനിക സാങ്കേതികവിദ്യ ഉപയോഗിക്കുന്നതിനെ മുഖ്യമന്ത്രി അഭിനന്ദിച്ചു. കേന്ദ്ര സഹമന്ത്രി തോഖൻ സാഹു, സംസ്ഥാന മന്ത്രിമാരായ രാജേഷ് അഗർവാൾ, ഗുരു ഖുശ്വന്ത് സാഹേബ്, ശ്യാം ബിഹാരി ജയ്സ്വാൾ, രാജ്യസഭാ എംപി ദേവേന്ദ്ര പ്രതാപ് സിംഗ് തുടങ്ങിയ പ്രമുഖരും ചടങ്ങിൽ പങ്കെടുത്തു.











