കാട്ടാക്കട: അരുവിക്കര എംഎല്‍എ ശബരീനാഥും തിരുവനന്തപുരം സബ് കളക്ടര്‍ ദിവ്യ എസ്. അയ്യരും വിവാഹിതരായി. തക്കല ശ്രീ കുമാരസ്വാമി ക്ഷേത്രത്തില്‍ വച്ച് നടന്ന ലളിതമായ ചടങ്ങില്‍ ശബരി ദിവ്യയുടെ കഴുത്തില്‍ താലി ചാര്‍ത്തി. 9.30നും 10.15നും മധ്യേയുള്ള മുഹൂര്‍ത്തത്തിലായിരുന്നു വിവാഹം.
ഇന്നു വൈകിട്ട് 4 മുതല്‍ നാലാഞ്ചിറ ഗീരിദീപം കണ്‍വന്‍ഷണ്‍ സെന്ററിലും ജൂലൈ രണ്ടിന് ആര്യനാട് വി.കെ ഓഡിറ്റോറിയത്തിലുമാണ് വിവാഹ സല്‍ക്കാരം.
മുന്‍ മന്ത്രിയും സ്പീക്കറുമായിരുന്ന അന്തരിച്ച ജി.കാര്‍ത്തികേയന്റെ മകനാണ് അരുവിക്കരയില്‍ നിന്നുള്ള എംഎല്‍എയായ ശബരീനാഥന്‍. കാര്‍ത്തികേയന്റെ മരണത്തെ തുടര്‍ന്നാണ് ശബരീനാഥന്‍ രാഷ്ട്രീയത്തില്‍ രംഗപ്രവേശനം ചെയ്തത്. തുടര്‍ന്ന് നടന്ന ഉപതെരഞ്ഞെടുപ്പില്‍ അരുവിക്കരയില്‍നിന്നു തെരഞ്ഞെടുക്കപ്പെട്ടു. പിന്നാലെ നടന്ന നിയമസഭാ തെരഞ്ഞെടുപ്പില്‍ വിജയം ആവര്‍ത്തിച്ച് ശബരീനാഥന്‍ മികവ് തെളിയിക്കുകയും ചെയ്തു.
Discussion about this post