പുല്‍വാമയില്‍ ഇന്ന് പുലര്‍ച്ചെ നടന്ന ഏറ്റുമുട്ടലില്‍ ജയ്ഷ്-ഇ-മുഹമ്മദിന്റെ രണ്ട് ഭീകരരെ ഇന്ത്യന്‍ സൈന്യം വധിച്ചു. പുല്‍വാമയില്‍ തന്നെ ഭീകരര്‍ നടത്തിയ ചാവേറാക്രമണത്തിന് നേതൃത്വം നല്‍കിയ രണ്ട് ജയ്ഷ് കമാന്‍ഡര്‍മാരെയാണ് സൈന്യം വധിച്ചത്. കമ്രാന്‍, ഭാസി എന്നിവരാണ് കൊല്ലപ്പെട്ടത്.
പുല്‍വാമയ്ക്ക് സമീപത്തുള്ള ഒരു കെട്ടിടത്തില്‍ ഇവര്‍ രണ്ട് പേരും ഒളിച്ചിരിക്കുന്നുവെന്ന് ലഭിച്ച വിവരത്തെത്തുടര്‍ന്നാണ് സുരക്ഷാ സൈനികര്‍ തിരച്ചില്‍ നടത്തിയത്. അതേസമയം ഏറ്റുമുട്ടലില്‍ നാല് ഇന്ത്യന്‍ സൈനികരും രണ്ട് നാട്ടുകാരും കൊല്ലപ്പെട്ടിട്ടുണ്ട്. ഒരു സൈനികന് സാരമായ പരിക്കുകളും സംഭവിച്ചു.
Discussion about this post