തിരുവനന്തപുരം : ചൂടു കൂടിയതോടെ സംസ്ഥാനത്ത് മഞ്ഞപ്പിത്തം (ഹെപ്പറ്റൈറ്റിസ് എ) ബാധിതരുടെ എണ്ണം ഉയരുന്നു. 55 ദിവസത്തിനിടെ രോഗികളുടെ എണ്ണം 4500 കടന്നു. 4,562 പേരാണ് ഈ കാലയളവിൽ ആശുപത്രിയില് ചികിത്സ തേടിയത് . രോഗം ബാധിച്ച് എട്ട് മരണവും റിപ്പോര്ട്ട് ചെയ്തു.
ശുദ്ധമല്ലാത്ത ജലത്തിലൂടെയാണ് രോഗം പടരുന്നത്.ഭൂരിഭാഗം പേരിലും രോഗം ഗുരുതരമാകാത്തതിനാൽ ചെറിയൊരു ശതമാനം മാത്രമാണ് ചികിത്സ തേടുന്നത്. അവസാനഘട്ടത്തിലാണ് പലരും ഡോക്ടറെ സമീപിക്കുന്നത്. ശക്തമായി പ്രതിരോധിച്ചില്ലെങ്കില് വരും മാസങ്ങളിൽ രോഗവ്യാപനം അതിരൂക്ഷമാകുമെന്നു ആരോഗ്യവിദഗ്ദ്ധര് മുന്നറിയിപ്പ് നല്കുന്നു.
ഹെപ്പറ്റൈറ്റിസ് എ വൈറസ് കരളിനെ ബാധിക്കുകയും കരൾ വീക്കത്തിന് കാരണമാവുകയും ചെയ്താൽ അപകടത്തിന് ഇടയാക്കും.
പ്രായമായവരിലും ഗർഭിണികളിലും കുട്ടികളിലും മറ്റ് അനുബന്ധ രോഗങ്ങളുള്ളവരിലും മഞ്ഞപ്പിത്തം ഗുരുതരമാകും. മലിനമായ ജലസ്രോതസുകളിലൂടെയും ശുദ്ധമല്ലാത്ത ജലം ഉപയോഗിച്ച് തയ്യാറാക്കുന്ന ഭക്ഷണ പാനീയങ്ങളിലൂടെയും രോഗം ബാധിച്ചവരുമായി അടുത്ത സമ്പർക്കം പുലർത്തുന്നതിലൂടെയുമാണ് മഞ്ഞപ്പിത്തം പകരുന്നത്.
Discussion about this post