പുല്‍വാമ ഭീകരാക്രമണത്തില്‍ കൊല്ലപ്പെട്ട ജവാന്മാരുടെ കുടുംബത്തിന് സഹായ ഹസ്തങ്ങളുമായി രാജ്യത്തിന്റെ പല കോണുകളില്‍ നിന്നും വലിപ്പ ചെറുപ്പ ഭേദമന്യേ പലരും എത്തുന്നു എന്ന വാര്‍ത്ത നാം കേട്ടു.അതു പൊലെ ഒരു ഹൃദയസ്പര്‍ശിയായ വാര്‍ത്തയാണ് ഉത്തര്‍പ്രദേശില്‍ നിന്നും കേള്‍ക്കുന്നത്.
വീരമൃത്യൂ വരിച്ച കുടുംബത്തിന് വേണ്ടി തന്റെ ആഭരണം വിറ്റ് സ്‌കൂള്‍ പ്രിന്‍സിപ്പള്‍ ശേഖരിച്ചത് ഒന്നര ലക്ഷം രൂപയാണ്. ഉത്തര്‍പ്രദേശിലെ ബറേലിയിലാണ് സംഭവം. അച്ഛന്‍ സമ്മാനിച്ച സ്വര്‍ണ്ണ വളകള്‍ വിറ്റാണ് കിരണ്‍ ജഗ്വാല്‍ എന്ന പ്രിന്‍സിപ്പള്‍ ജവാന്മാരുടെ കുടുംബങ്ങള്‍ക്കായി പണം ശേഖരിച്ചത്.
ദുഖത്തിലാഴ്ന്ന് നില്‍ക്കുന്ന ജവാന്മാരുടെ ഭാര്യമാരെ കണ്ടപ്പോള്‍ തനിക്ക് എന്ത് ചെയ്യാന്‍ കഴിയുമെന്നാണ് ചിന്തിച്ചത്. പിന്നീട് വളകള്‍ വിറ്റ് പ്രധാനമന്ത്രിയുടെ ദുരിതാശ്വാസ നിധിയിലേക്ക് നല്‍കി. ജവാന്മാരുടെ കുടംബത്തെ സഹായിക്കാന്‍ ആളുകള്‍ മുന്നോട്ട് വരണമെന്നും ഒരു രൂപ വച്ച് ആളുകള്‍ സംഭവാന ചെയ്യുകയാണെങ്കില്‍ വലിയ തുകയാവുമെന്നും കിരണ്‍ ജഗ്വാല്‍പറഞ്ഞു. കഴിഞ്ഞ ദിവസം ഭിക്ഷ എടുത്തു കിട്ടിയ പണം ജവാന്മാരുടെ കുടുംബത്തിന് നല്കിയ നന്ദിനി എന്ന സ്ത്രീയും വാര്‍ത്തയായിരുന്നു. ജമ്മുകശ്മീരിലെ പുല്‍വാമയില്‍ ജെയ്‌ഷെ മുഹമ്മദിന്റെ ഭീകരാക്രമണത്തില്‍ 40 സിആര്‍പിഎഫ് ജവാന്‍മാരാണ് കൊല്ലപ്പെട്ടത്.
Discussion about this post