പറ്റ്‌ന: ദീപാവലി ആഘോഷത്തിനിടെ ബീഹാറിലുണ്ടായ വ്യാജമദ്യ ദുരന്തത്തില്‍ ഒമ്പത് പേര്‍ മരിച്ചു. ഏഴ്പേരുടെ നില ഗുരുതരമാണ്.
ബീഹാറിലെ ഗോപാല്‍ ഗഞ്ചിലെ മുഹമ്മദ്പൂരിലെ സൗത്ത് തല്‍ഹ വില്ലേജിലാണ് വ്യാജ മദ്യ ദുരന്തം ഉണ്ടായത്.
ഇന്നലെ രാത്രി വ്യാജമദ്യം കഴിച്ചതിനെ തുടര്‍ന്ന് കുഴഞ്ഞു വീഴുകയായിരുന്നു. ഉടന്‍ തന്നെ സമീപത്തെ ആശുപത്രിയിലെത്തിച്ചെങ്കിലും ഒമ്പത് പേര്‍ മരിക്കുകയായിരുന്നു. മരണസംഖ്യ ഉയരാന്‍ സാധ്യതയുണ്ടെന്നാണ് വിവരം.
അതേസമയം സംഭവവുമായി ബന്ധപ്പെട്ട് മൂന്ന് പേരെ അറസ്റ്റ് ചെയ്തതായി പൊലീസ് അറിയിച്ചു. ഇവരില്‍ നിന്ന് വ്യാജമദ്യം പിടിച്ചെടുത്തതായും പൊലീസ് വ്യക്തമാക്കി.
Discussion about this post