തിരുവനന്തപുരം: സര്‍ക്കാര്‍ ചീഫ് വിപ്പ് പി.സി. ജോര്‍ജിനെതിരെ നടപടിയെടുക്കണമെന്നാവശ്യപ്പെട്ട് യുഡിഎഫ് കണ്‍വീനര്‍ പി.പി. തങ്കച്ചന്‍. ഇക്കാര്യം മാണിയോട് ആവശ്യപ്പെട്ടിട്ടുണ്ടെന്നും അദ്ദേഹം ഒരു സ്വകാര്യ വാര്‍ത്താചാനലിന്റെ അഭിമുഖത്തില്‍ പറഞ്ഞു. പി.സി. ജോര്‍ജ് വിഷയം തിങ്കളാഴ്ചത്തെ യുഡിഎഫ് യോഗം ചര്‍ച്ചചെയ്യുമെന്നും അദ്ദേഹം പറഞ്ഞു. കേരളകോണ്‍ഗ്രസ് (ബി) യുഡിഎഫ് മുന്നണിയിലില്ല. അവരെ സാങ്കേതികമായി പുറത്താക്കിയിട്ടില്ലെന്നേയുള്ളു. ബാലകൃഷ്ണ പിള്ളയുടെ പാര്‍ട്ടിയെ തെരഞ്ഞെടുപ്പുകളില്‍ പങ്കെടുപ്പിക്കില്ലെന്നും തങ്കച്ചന്‍ പറഞ്ഞു.
അതേസമയം തനിക്കെതിരെ പി.പി തങ്കച്ചന്‍ നടപടിയാവശ്യപ്പെട്ടിട്ടില്ലെന്ന് പി.സി ജോര്‍ജ് പറഞ്ഞു. പി.പി തങ്കച്ചനുമായി താന്‍ സംസാരിച്ചിരുന്നു. യുഡിഎഫ് യോഗത്തില്‍ സംസാരിക്കാമെന്ന് തങ്കച്ചന്‍ പറഞ്ഞതായും പി.സി ജോര്‍ജ് പറഞ്ഞു.
Discussion about this post