ശബരിമലയിലെ ആചാരങ്ങള്‍ ലംഘിക്കപ്പെട്ടുകൊണ്ട് രണ്ട് യുവതികള്‍ ദര്‍ശനം നടത്തിയ സാഹചര്യത്തില്‍ ഇനിയും യുവതികള്‍ വന്നാല്‍ സംരംക്ഷണം നല്‍കുമെന്ന് മന്ത്രി എം.എം.മണി പറഞ്ഞു. അതേസമയം എസ്.എന്‍.ഡി.പി യോഗം ജനറല്‍ സെക്രട്ടറി വെള്ളാപ്പള്ളി നടേശന് ഓരോ വിഷയത്തിലും ഓരോ അഭിപ്രായങ്ങളുണ്ടാകുമെന്നും മണി പറഞ്ഞു.
ശബരിമലയില്‍ യുവതികള്‍ കയറിയത് നിരാശാജനകമായ കാര്യമാണെന്ന്് വെള്ളാപ്പള്ളി ഇന്നലെ പ്രതികരിച്ചിരുന്നു. ശബരിമല എന്നുള്ളത് വിശ്വാസികള്‍ക്കുള്ളതാണെന്നും ആക്റ്റിവിസ്റ്റുകള്‍ക്കുള്ളതല്ലായെന്നും അദ്ദേഹം പറഞ്ഞു. എസ്.എന്‍.ഡി.പി യോഗം വിശ്വാസികള്‍ക്കൊപ്പമാണെന്നും വെള്ളാപ്പള്ളി പറഞ്ഞിരുന്നു. അതേസമയം ജനുവരി ഒന്നിന് സര്‍ക്കാര്‍ നടത്തിയ വനിതാ മതിലിന് പിന്തുണ നല്‍കിയതും വെള്ളാപ്പള്ളിയായിരുന്നു.
Discussion about this post